TS TET Applications: టెట్‌కు 2.83లక్షల దరఖాస్తులు.. జిల్లాల వారీగా వివరాలు ఇలా..

హైదరాబాద్‌: తెలంగాణలో ఉపాధ్యాయ అర్హత పరీక్ష (టెట్‌)-2024కు దరఖాస్తుల గడువు శనివారంతో ముగిసిన విషయం తెలిసిందే. ఈ పరీక్ష కోసం మొత్తంగా 2,83,441 మంది దరఖాస్తులు చేసుకున్నట్లు అధికారులు వెల్లడించారు. పేపర్‌-1కి 99,210 మంది,  పేపర్‌-2కి 1,84,231 మంది అప్లై చేశారు.  పేపర్‌ -2లో మ్యాథమెటిక్స్‌, సైన్స్‌కు 99,974 మంది అప్లై చేసుకోగా.. సోషల్‌ స్టడీస్‌కు 86,454 దరఖాస్తులు వచ్చాయి.పేపర్‌- 1కు ఆదిలాబాద్‌ జిల్లా నుంచి అత్యధికంగా 7,504 దరఖాస్తులు రాగా.. పేపర్‌- 2కు సంబంధించి నల్గొండ జిల్లా నుంచి అత్యధికంగా 9,162మంది దరఖాస్తులు వచ్చాయి. మరోవైపు, కంప్యూటర్‌ ఆధారిత విధానంలో నిర్వహించే టెట్‌ పరీక్షలను మే 20 నుంచి జూన్‌ 3 వరకు నిర్వహించనున్నారు. ఫలితాలు జూన్‌ 12న విడుదల చేస్తారు.