Learning Styles: మీ లెర్నింగ్ స్టైల్ ఏంటో తెలుసా?
మన ‘లెర్నింగ్ స్టైల్’ ఏంటనేది తెలుసుకుంటే.. చదువుకోవడం ఆసక్తిగా అనిపిస్తుంది. మరి మీ స్టైల్ ఏంటో తెలుసుకుని వెంటనే సాధన మొదలు పెట్టేయండి మరి!
Learning Style | నేర్చుకోవడంలో ఒక్కొక్కరిదీ ఒక్కో శైలి.. ఒకరికి ఎంతో ప్రభావవంతంగా అనిపించిన ఓ విధానం మరొకరికి అంతగా నప్పకపోవచ్చు. అందుకే మన ‘లెర్నింగ్ స్టైల్’ (Learning Style) ఏంటనేది తెలుసుకుంటే.. చదువుకోవడం (Reading) ఆసక్తిగా అనిపిస్తుంది. ఇందులో ఎన్ని రకాలున్నాయో చూద్దామా!
ఒక విద్యార్థి ఏ విధానంలో విషయాన్ని త్వరగా నేర్చుకుంటాడో అదే తన లెర్నింగ్ స్టైల్ (అభ్యాస పద్ధతి). ఇందులో ప్రధానంగా నాలుగు రకాలు ఉన్నట్లు నిపుణులు గుర్తించారు. అవి.. చూడటం (విజువల్), వినడం (ఆడిటరీ), చదవడం/రాయడం (రీడ్/రైట్), అనుభవపూర్వక అభ్యాసం (కినస్తటిక్). దాదాపు ప్రతి విద్యార్థీ ఇందులో ఏదో ఒక విధానంలో ఇష్టంగా, వేగంగా నేర్చుకునే అవకాశం ఉంటుంది.
ఎందుకు తెలుసుకోవాలి?
మనం నేర్చుకునే పద్ధతిని గుర్తించడం వల్ల చాలా ఉపయోగాలు ఉంటాయి. ఇది విషయ సంగ్రహణను వేగవంతం చేయగలదు. ఏం చేస్తే బాగా అర్థమవుతుందో గుర్తిస్తే, అనవసరమైన విధానాలతో సమయం వృథా కాదు. త్వరగా విషయాలను నేర్చుకోవడంతోపాటు ఎక్కువ కాలం గుర్తుండే అవకాశం ఉంటుంది. ఈ లెర్నింగ్ స్టైల్ను అంచనా వేసేందుకు ఇప్పుడు ఆన్లైన్లో చాలా క్విజ్లు, సర్వేలు అందుబాటులోకి వచ్చాయి. వాటిలో పాల్గొని, ప్రశ్నలకు సమాధానాలు ఇవ్వడం ద్వారా ఏ పద్ధతి మనకు బాగా నప్పుతుందో తెలుసుకోవచ్చు.
- విజువల్ (Visual): సబ్జెక్టును కళ్లతో చూడటం ద్వారా ఎక్కువగా నేర్చుకునేవారు ఈ కోవలోకి వస్తారు. వీరు ఫొటోలు, రేఖాచిత్రాలు, గ్రాఫిక్స్, వీడియోలు, చార్టులు, మ్యాప్లు, మైండ్ మ్యాప్లు, ఫ్లాష్ కార్డ్స్ వంటివి ఉపయోగిస్తే బాగా చదువుకోగలరు. కంటికి ఎదురుగా విషయం కనిపించడం ఇందులో ప్రధానం. వీలైనంతంగా విజువల్ రిప్రజెంటేషన్ ఉండే విధంగా చదివితే వీరికి ఎక్కువ కాలం గుర్తుంటుంది.
- ఆడిటరీ (Auditory): వినడం ద్వారా నేర్చుకునే వారిని ఆడిటరీ లెర్నర్స్ అంటారు. వీరికి పాఠాలను పదేపదే వినడం, దాని గురించి మాట్లాడటం, గ్రూపులో చర్చించడం, ముఖ్యమైన పదాలను నెమరువేసుకోవడం వంటి వాటి వల్ల బాగా గుర్తుంటుంది. ఇందుకు ఆడియో రికార్డులు బాగా పనికొస్తాయి. పాఠాలను రికార్డు చేసుకుని వింటూ ఉండటం వల్ల చదవడం కంటే కూడా బాగా నేర్చుకోగలుగుతారు.
- రీడ్/రైట్ (Read/Write): వీరికి పేరులో చెప్పినట్టుగానే మళ్లీ మళ్లీ చదవడం, రాయడం ద్వారా విషయం బాగా గుర్తుంటుంది. ఇది ఎక్కువ మంది ఆచరించే సంప్రదాయ పద్ధతి. ఇందులో రాయడం - చదవడంతోపాటు వివరంగా నోట్సు తయారుచేయడం, పునశ్చరణ చేయడం, సమాచారాన్ని రాత రూపంలో చూడటం ద్వారా వీరు త్వరగా నేర్చుకోగలరు.
- కినస్తటిక్ (kinesthetic): వీరికి ప్రాజెక్టులు-యాక్టివిటీల్లో పాల్గొనడం, ప్రయోగాలు చేయడం, మెటీరియల్స్ను తాకడం... ఇలా పాఠంతో పూర్తిగా మమేకం కావడం వల్ల ఎక్కువగా నేర్చుకోగలరు. ఇది తక్కువ వయసు విద్యార్థుల్లో ఎక్కువగా గమనించవచ్చు. అయితే కొందరు కాలేజీ వయసులో కూడా ఫిజికల్ యాక్టివిటీని అధికంగా ఇష్టపడతారు. చూశారుగా... మరి మీ స్టైల్ ఏంటో తెలుసుకుని వెంటనే సాధన మొదలు పెట్టేయండి మరి!
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు