ఇది పర్వతాల భూభాగం!

ఇది పర్వతాల భూభాగం!
హెయ్‌టీ

* హెయ్‌టీ... కరేబియన్‌ ద్వీపమైన హిస్పానియోలా భూభాగాన్ని పంచుకునే రెండు దేశాల్లో ఇదో బుల్లి దేశం.
* 1492లో క్రిస్టఫర్‌ కొలంబస్‌ మొదటిసారిగా ఈ దేశంలో అడుగుపెట్టాడు.
* 1804 జనవరి 1న ఫ్రాన్స్‌ నుంచి స్వాతంత్య్రం పొందిందీ దేశం.
* 1804 - 1915 మధ్యలో 70 మందికిపైగా నియంతలు పరిపాలించారీ దేశాన్ని. అంటే ఈ 111 సంవత్సరాల వ్యవధిలో నియంతల ఆదేశాలే ఈ దేశంలో చలామణీ అయ్యాయన్నమాట.
* కరేబియన్‌ ప్రాంతంలో అత్యధికంగా పర్వతాలున్న దేశమిది. అందుకే దీనికి ‘ల్యాండ్‌ ఆఫ్‌ ది మౌంటెన్స్‌’ అని పేరు. ఇక్కడ 8 వేల అడుగుల ఎత్తయిన పర్వత శిఖరాలుంటాయి.

* జెండా: ప్రపంచ పురాతన జెండాల్లో ఇదీ ఒకటి. వివిధ జాతుల ఏకతను ఈ పతాక రంగులు సూచిస్తాయి. నీలం రంగు ఆఫ్రికా నుంచి వచ్చిన నల్ల జాతీయుల మూలాలకు గుర్తు.

ఇక్కడ స్థిరపడిన విభిన్న ప్రాంత ప్రజలకు ఎరుపు రంగు చిహ్నం.
* ఇక్కడ 53 శాతం మందికి మాత్రమే చదవడం, రాయడం వచ్చు.

* దేశం: హెయ్‌టీ రాజధాని: పోర్టా ప్రిన్స్‌ జనాభా: 1,06,04,000
* విస్తీర్ణం: 27,750 చదరపు కిలోమీటర్లు భాష: ఫ్రెంచ్‌, హెయ్‌టియన్‌ క్రియోల్‌ కరెన్సీ: హెయ్‌టియన్‌ గౌర్డే

* 1950 నుంచి ఇక్కడి స్త్రీలకు ఓటు హక్కు వచ్చింది.
* 1915 అమెరికా అధ్యక్షుడు ఉడ్రోవిల్సన్‌ హెయ్‌టీ దేశంలో శాంతియుత పరిస్థితుల్ని తీసుకురావడం కోసం తమ నావికదళాన్ని పంపారు.
* 2010లో ఇక్కడ వచ్చిన భారీ భూకంపం రెండు లక్షల మందికిపైగా ప్రజల్ని పొట్టన పెట్టుకుంది. ఎన్నో నిర్మాణాలు నేలమట్టమయ్యాయి. ఆర్థిక వ్యవస్థ కుదేలయింది.

* ఇక్కడి విద్యార్థుల్లో 10 శాతం మంది మాత్రమే ఉన్నత పాఠశాలలో చేరుతారు. మిగిలిన వారంతా ప్రాథమిక పాఠశాలతోనే చదువు ఆపేస్తారు.
* పర్యటక రంగం ఇక్కడ అత్యధికంగా లాభాల్ని తెచ్చిపెట్టే పరిశ్రమ. దేశ దేశాల నుంచి లక్షల్లో సందర్శకులు వస్తుంటారు.
* ఇక్కడ 15 ఏళ్లలోపు పిల్లలు 20 శాతం మంది కంటే తక్కువగా ఉంటారు.