నవ్వుల్‌... నవ్వుల్‌..!

పెద్ద ప్లానే!

టీచర్‌ : రాకీ.. హోంవర్క్‌ ఎందుకు పూర్తి చేయలేదు?
రాకీ : బంధువులొచ్చారు టీచర్‌.. త్వరగా ఇంటికెళ్లిపోదామనీ..
టీచర్‌ : నేను అడిగేదేంటి? నువ్వు చెప్పేదేంటి?
రాకీ : హోంవర్క్‌ చేయనివాళ్లను ఇంటికి పంపించేస్తానని మొన్న చెప్పారు కదా టీచర్‌.. అందుకే.!
టీచర్‌ : ఆ..!!

సెలవులంటే ప్రాణం...

అమ్మ : ఏంటి టిల్లూ.. దేని గురించో దీర్ఘంగా ఆలోచిస్తున్నట్లున్నావు?
టిల్లు : మరేం లేదమ్మా.. కాలం ఇలాగే ఆగిపోతే ఎంత బావుండు అనీ..
అమ్మ : ఏం ఎందుకలా?
టిల్లు : వేసవి సెలవులు కాబట్టి..

అవీ గ్రహాలేనా?

టీచర్‌ : రమా.. నీకు తెలిసిన రెండు గ్రహాల పేర్లు చెప్పు?
రమ : ఆగ్రహం, అనుగ్రహం టీచర్‌..
టీచర్‌ : ఆ..!!

అలా వచ్చావా!

నాన్న : అరే.. బారెడు పొద్దెక్కినా.. ఇంకా లేవలేదేంట్రా?
పవన్‌ : అది కాదు నాన్నా.. వేసవి సెలవుల్లో టీచర్‌ ఏదైనా నేర్చుకొని రమ్మన్నారు..
నాన్న : అయితే..!
పవన్‌ : నేను ఎక్కువసేపు నిద్రపోవడం ప్రాక్టీస్‌ చేస్తున్నా నాన్నా..