Govt Borrowings: ఆరు నెలల్లో.. రూ.7.5 లక్షల కోట్ల రుణానికి కేంద్రం సిద్ధం

దిల్లీ: ఆర్థిక వ్యవస్థను పునరుద్ధరించడంతో పాటు రెవెన్యూ లోటు భర్తీ చేయడానికి మార్కెట్‌ నుంచి రుణ సమీకరణకు కేంద్ర ప్రభుత్వం సిద్ధమైంది. ఇందుకోసం 2024-25 ఆర్థిక సంవత్సరంలో ఏప్రిల్‌-సెప్టెంబర్‌ మధ్య కాలానికి దాదాపు రూ.7.5 లక్షల కోట్లు సమీకరించేందుకు ప్రణాళిక రూపొందించినట్లు ఆర్థిక మంత్రిత్వశాఖ వెల్లడించింది.

ఎస్‌బీఐ డెబిట్‌ కార్డు ఛార్జీల పెంపు.. ఏప్రిల్‌ 1 నుంచి అమల్లోకి

2024-25 ఆర్థిక సంవత్సరానికి స్థూలంగా రూ.14.13 లక్షల కోట్లను అప్పుల రూపంలో సమీకరించాలని ప్రభుత్వం అంచనా వేసింది. ఇందులో దాదాపు 53 శాతం (రూ.7.5లక్షలు) తొలి అర్ధ సంవత్సరంలోనే తీసుకునేందుకు తాజాగా ఓ ప్రణాళికను రూపొందించింది. వచ్చే ఆర్థిక సంవత్సరంలో రెవెన్యూ లోటు తీర్చడానికి సెక్యూరిటీలు జారీచేయడం ద్వారా ఈ రుణాలను సేకరించాలని మధ్యంతర బడ్జెట్‌లోనే ఈ ప్రతిపాదనలు చేసింది. అయితే, గతేడాది 2023-24 అంచనాలతో (రూ.15.43లక్షల కోట్లు) పోలిస్తే ఇది తక్కువే. ప్రైవేటు పెట్టుబడులు భారీఎత్తున వస్తున్నందున రుణ సేకరణకు కేంద్ర ప్రభుత్వం తగ్గించుకుంటోందని ఆర్థికశాఖ మంత్రి నిర్మలా సీతారామన్‌ అప్పట్లో పేర్కొన్నారు.