IndiGo: ఇండిగో విమానాల్లో ఇక వినోదం.. తొలుత ఈ రూట్లోనే..

IndiGo | దిల్లీ: ప్రముఖ విమానయాన సంస్థ ఇండిగో (Indigo) కొత్తతరహా సేవల్ని అందించేందుకు సిద్ధమైంది. ఇకపై ప్రయాణ సమయంలో వినోదాన్ని జోడించనున్నట్లు తెలిపింది. మే 1 నుంచి ఈ సేవలు అందుబాటులోకి రానున్నాయని మంగళవారం విడుదల చేసిన ఓ ప్రకటనలో పేర్కొంది. తన యాప్‌ ద్వారా విమానంలో ఎంటర్‌టైన్‌మెంట్‌ కంటెంట్‌ను అనుభూతి చెందొచ్చని పేర్కొంది.

గుంపులో స్మార్ట్‌ఫోన్లు కొట్టేస్తే.. చిన్న ట్రిక్‌తో పట్టేశాడు..!

దిల్లీ-గోవా మార్గంలో ప్రయాణించే విమానాల్లో ప్రయోగాత్మకంగా వినోదాన్ని అందించే సదుపాయాన్ని పరిచయం చేయనుంది. మూడు నెలల పాటు ట్రయల్‌ ప్రాతిపదికన ఈ సేవల్ని నిర్వహించనున్నట్లు పేర్కొంది. విమానం నిర్ణీత ఎత్తుకు చేరుకున్న తర్వాత ఈ సేవలు ప్రారంభమవుతాయి. ఇండిగో యాప్‌ ద్వారా ఈ సేవలు పొందొచ్చు. అయితే వీటిని ఉపయోగించుకోవాలంటే కస్టమర్లు తమ వ్యక్తిగత హెడ్‌ఫోన్లను తీసుకెళ్లాల్సి ఉంటుంది. ట్రయల్ దశ విజయవంతమైతే ఈ సేవల్ని పూర్తిగా అందుబాటులోకి తేనుంది. ఇండిగో ఈతరహా సేవల్ని తీసుకురావడం ఇదే మొదటిసారి.