M&M- Adani: ఈవీ ఛార్జింగ్‌ స్టేషన్ల విస్తరణకు అదానీతో మహీంద్రా జట్టు

దిల్లీ: దేశవ్యాప్తంగా విద్యుత్‌ వాహన ఛార్జింగ్‌ స్టేషన్లు నెలకొల్పేందుకు అదానీ టోటల్‌ గ్యాస్‌ యూనిట్‌తో అవగాహన ఒప్పందం (MOU) కుదుర్చుకున్నట్లు మహీంద్రా అండ్‌ మహీంద్రా (Mahindra & Mahindra) ప్రకటించింది. ఈవీ ఛార్జింగ్‌ సేవల్ని విస్తృతం చేయడానికి ఈ ఒప్పందం తోడ్పాటు అందిస్తుందని కంపెనీ గురువారం ఓ ప్రకటనలో వెల్లడించింది.

మెదడులో చిప్‌తో వీడియో గేమ్‌ ఆడిన పక్షవాత బాధితుడు

ఛార్జింగ్‌ స్టేషన్లను మెరుగుపరిస్తే విద్యుత్‌ వాహన వినియోగదారులకు ఎలాంటి ఇబ్బందులు ఉండవని ఎంఅండ్‌ఎం ప్రెసిడెంట్ విజయ్ నక్రా వెల్లడించారు. ఈవీ వ్యవస్థను విస్తృతం చేయడానికి ఈ ఒప్పందం సాయపడుతుందని తెలిపారు. ఈ భాగస్వామ్యంతో ఛార్జింగ్‌ స్టేషన్లు 1,100కు పెరగనున్నాయన్నారు. విద్యుత్‌ మౌలిక సదుపాయాల్ని పెంచితే ఎలక్ట్రిక్‌ వాహనాల్ని వినియోగించడానికి కస్టమర్లు ముందుకొస్తారని అదానీ టోటల్ గ్యాస్ ఎగ్జిక్యూటివ్ డైరెక్టర్, సీఈఓ సురేష్ పి.మంగ్లానీ అన్నారు. కర్బన ఉద్గారాలు తగ్గించడానికి ఈవీలు సాయపడతాయని ఈసందర్భంగా ఆయన వెల్లడించారు.