Breaking | Feedback | ePratibha | E-PAPER | Pratibha

OnePlus 12R: వన్‌ప్లస్ 12ఆర్‌లో గెన్‌షిన్‌ ఇంపాక్ట్‌ ఎడిషన్‌.. ధర ఫీచర్లివే..!

OnePlus 12R Genshin Impact Edition: రోల్‌-ప్లేయింగ్‌ గేమ్‌ గెన్‌షిన్‌ ఇంపాక్ట్‌ థీమ్‌తో వన్‌ప్లస్‌ 12ఆర్‌లో ప్రత్యేక ఎడిషన్‌ విడుదలైంది.

Published : 29 Feb 2024 13:12 IST

OnePlus 12R Genshin Impact Edition | ఇంటర్నెట్‌ డెస్క్‌: ప్రముఖ స్మార్ట్‌ఫోన్ల తయారీ సంస్థ వన్‌ప్లస్‌.. 12ఆర్‌లో మరో కొత్త ఎడిషన్‌ను భారత్‌లో విడుదల చేసింది. రోల్‌-ప్లేయింగ్‌ గేమ్‌ గెన్‌షిన్‌ ఇంపాక్ట్‌ ఆధారంగా దీన్ని రూపొందించారు. గేమింగ్‌ కోసం ప్రత్యేకమైన ఫీచర్లను పొందుపర్చారు. దీన్ని కొనుగోలు చేసిన వారికి కెకింగ్‌ థీమ్‌ కేస్‌తో సహా పలు యాక్సెసరీలతో కూడిన ప్రత్యేక గిఫ్ట్‌బాక్స్‌ లభిస్తుంది.

వన్‌ప్లస్‌ 12ఆర్‌ గెన్‌షిన్‌ ఇంపాక్ట్‌ ఎడిషన్‌ (OnePlus 12R Genshin Impact Edition).. ఆండ్రాయిడ్‌ 14 ఆధారిత ఆక్సిజన్‌ఓఎస్‌ 14తో వస్తోంది. 6.78 అంగుళాల LTPO 4.0 తెరను పొందుపర్చారు. స్నాప్‌డ్రాగన్‌ 8 జెన్‌ 2 ప్రాసెసర్‌తో పనిచేస్తుంది. వెనుక భాగంలో 50ఎంపీ సోనీ IMX890 సెన్సర్‌, 8ఎంపీ అల్ట్రా వైడ్‌ యాంగిల్‌, 2 ఎంపీ మ్యాక్రో లెన్స్‌తో కూడిన ట్రిపుల్‌ కెమెరా సెటప్‌ను ఇచ్చారు. 16 ఎంపీ సెల్ఫీ కెమెరాను పొందుపర్చారు. బ్యాక్‌ ప్యానెల్‌ను కెకింగ్‌ లోగోతో ఎలక్ట్రో వైలెట్‌ రంగులో ప్రత్యేకంగా రూపొందించారు. 256 జీబీ యూఎఫ్‌ఎస్‌ 3.1 స్టోరేజ్‌ను అందిస్తున్నారు.

100 గంటల బ్యాటరీ లైఫ్‌తో వన్‌ప్లస్‌ వాచ్‌ 2.. ధర, ఫీచర్లివే..!

వన్‌ప్లస్‌ 12ఆర్‌ గెన్‌షిన్‌ ఇంపాక్ట్‌ ఎడిషన్‌లో (OnePlus 12R Genshin Impact Edition) 5జీ, 4జీ ఎల్‌టీఈ, వైఫై 7, బ్లూటూత్‌ 5.3, జీపీఎస్‌, ఎన్‌ఎఫ్‌సీ కనెక్టివిటీ ఆప్షన్లు ఉన్నాయి. గైరోస్కోప్‌, యాక్సిలరోమీటర్‌, మ్యాగ్నెటోమీటర్‌, ప్రాగ్జిమిటీ సెన్సర్‌, అండర్‌-డిస్‌ప్లే ఫింగర్‌ప్రింట్ సెన్సర్‌, బయోమెట్రిక్‌ అథెంటికేషన్‌ కూడా ఉన్నాయి. 100 వాట్‌ SuperVOOC వైర్డ్‌ ఛార్జింగ్‌ సపోర్ట్‌తో 5,000mAh బ్యాటరీని ఇచ్చారు. ఈ ఫోన్‌ 59.5fpsతో మూడు గంటల వరకు హైపర్‌హెచ్‌డీఆర్‌ గేమ్‌ప్లేను ఆఫర్‌ చేస్తుంది. కేవలం 15 సెకన్లలో గేమ్‌ను లాంఛ్‌ చేయొచ్చు.

ఈ ఫోన్‌ 16జీబీ ర్యామ్‌, 256జీబీ స్టోరేజ్‌ ధర రూ.49,999. వన్‌ప్లస్‌ ఇండియా వెబ్‌సైట్‌లో ఇది విక్రయానికి అందుబాటులో ఉంది. వన్‌ప్లస్‌ 12ఆర్‌ 8జీబీ ర్యామ్‌, 128జీబీ స్టోరేజ్‌ వేరియంట్‌ ఫోన్‌ రూ.39,999 వద్ద ఇప్పటికే విడుదలైన విషయం తెలిసిందే.

► Read latest Business News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.