Reliance Jio: రిలయన్స్‌ జియో దీపావళి ధమాకా.. ఈ ప్లాన్‌లపై ₹3,350 విలువైన ప్రయోజనాలు

Reliance Jio | ఇంటర్నెట్‌ డెస్క్‌: ప్రముఖ టెలికాం సంస్థ రిలయన్స్‌ జియో (Reliance Jio) ‘దీపావళి ధమాకా’ ఆఫర్లను తీసుకొచ్చింది. పండగ సందర్భంగా తీసుకొచ్చిన ఈ సదుపాయంతో ఎంపిక చేసిన రీఛార్జీలపై రూ.3,350 విలువైన ప్రయోజనాలు అందిస్తున్నట్లు ప్రకటించింది. ఈ ఆఫర్లు ఇప్పటికే అందుబాటులోకి వచ్చాయి. నవంబర్‌ 3లోపు రీఛార్జి చేసుకున్నవాళ్లు మాత్రమే ఈ బెనిఫిట్స్‌ పొందుతారు.

దీపావళి ఆఫర్‌లో భాగంగా రూ.899, రూ.3,599 రీఛార్జి ప్లాన్లపై అదనపు ప్రయోజనాలను జియో అందిస్తోంది. ఆఫర్‌ ముగిసేలోగా ఈ ప్లాన్‌లతో రీఛార్జి చేసుకుంటే రూ.3,000 విలువ చేసే ఈజీ మై ట్రిప్‌ వోచర్‌ అందిస్తోంది. విమాన ప్రయాణాలు, హోటల్‌ బుకింగ్స్‌ చేసుకొనే వారు ఈ వోచర్‌ వినియోగించుకోవచ్చు. రూ.999 కంటే ఎక్కువ మొత్తంతో అజియో వేదికగా కొనుగోలు చేసినప్పుడు రూ.200 విలువైన అజియో కూపన్‌ వర్తిస్తుంది. రూ.150 విలువైన స్విగ్గీ వోచర్‌ కూడా ఈ ప్లాన్లతో ఇస్తోంది. ‘మై జియో’ యాప్‌ సాయంతో కూపన్లు క్లెయిమ్‌ చేసుకోవచ్చు.

ఐపీఓకు ముందు స్విగ్గీ దూకుడు.. మరో కొత్త సేవలకు శ్రీకారం

జియో అందిస్తున్న రూ.899 త్రైమాసిక ప్లాన్‌తో 90 రోజల వ్యాలిడిటీ కలిగి ఉంటుంది. ఈ ప్లాన్‌ రీఛార్జితో రోజుకు 2జీబీ డేటా, అన్‌లిమిటెడ్‌ వాయిస్ కాల్స్‌, రోజుకు 100 ఎస్సెమ్మెస్‌లు పొందొచ్చు. జియో మరో ప్లాన్‌ రూ.3,599 ప్లాన్‌తో అపరిమిత కాలింగ్‌ లభిస్తాయి. రోజుకు 100 ఎస్సెమ్మెస్‌లు, 2.5జీబీ డేటాను పొందొచ్చు. ఈ ప్యాక్‌ వ్యాలిడిటీ 365 రోజులుగా ఉంది.