Jio Plans: ఈ పాపులర్‌ జియో ప్లాన్‌పై 20GB అదనపు డేటా

Jio Plans | యూజర్ల అవసరాలకు అనుగుణంగా రిలయన్స్‌ జియో (Reliance Jio) ఎప్పటికప్పుడు కొత్త ప్లాన్లను అందిస్తోంది. తాజాగా కొన్ని ప్లాన్లలో అదనపు డేటాను ఇస్తోంది. పైగా వీటన్నింటిలో అపరిమిత 5జీ డేటా ఉచితం. ఇంతకీ ఆ ప్లాన్లేంటి? వాటిలోని ఇతర ప్రయోజనాలెలా ఉన్నాయో చూద్దాం..!

రూ.398 ప్లాన్‌: వ్యాలిడిటీ 28 రోజులు. అపరిమిత వాయిస్‌ కాలింగ్‌, రోజుకు 100 ఎసెమ్మెస్‌లు, 2జీబీ డేటా వంటి ప్రయోజనాలు ఉన్నాయి. ఈ ప్లాన్‌తో 6 జీబీ డేటా అదనంగా వస్తుంది. దీంట్లో జియో టీవీ, జియోక్లౌడ్‌ యాప్‌లతో పాటు సోనీలివ్‌, జీ5, జియో సినిమా ప్రీమియం, లయన్స్‌గేట్‌ ప్లే, డిస్కవరీ+, సన్‌నెక్ట్స్‌, చౌపల్‌, డాక్యుబే, ఎపిక్‌ ఆన్‌ వంటి ఓటీటీల సబ్‌స్క్రిప్షన్‌ లభిస్తుంది.

రూ.749 ప్లాన్‌: దీని వ్యాలిడిటీ 90 రోజులు. దీంట్లో 20 జీబీ అదనపు డేటా లభిస్తుంది. అపరిమిత వాయిస్‌ కాలింగ్‌; రోజుకు 100 ఎస్సెమ్మెస్‌లు, 2జీబీ డేటా ఉంటాయి. జియో టీవీ, జియో సినిమా, జియో క్లౌడ్‌కి యాక్సెస్‌ వస్తుంది.

రూ.1,198 ప్లాన్‌: వ్యాలిడిటీ 84 రోజులు. ఎప్పటిలాగే అపరిమిత వాయిస్‌ కాలింగ్‌, రోజుకు 100 ఎసెమ్మెస్‌లు, 2జీబీ డేటా ఉంటాయి. దీంట్లో 18 జీబీ అదనపు డేటా లభిస్తుంది. జియో టీవీ, జియో క్లౌడ్‌ యాప్‌లతో పాటు ప్రైమ్‌ వీడియో మొబైల్‌, డిస్నీ+ హాట్‌స్టార్‌, సోనీ లివ్‌, జీ5, జియో సినిమా ప్రీమియం, డిస్కవరీ+ సహా మొత్తం 14 ఓటీటీల సభ్యత్వం పొందొచ్చు.

రూ.4,498 ప్లాన్‌: దీని వ్యాలిడిటీ 365 రోజులు. అపరిమిత వాయిస్‌ కాలింగ్‌, రోజుకు 100 ఎస్సెమ్మెస్‌లు , 2జీబీ డేటా వస్తుంది. ఈ ప్లాన్‌తో 78 జీబీ అదనపు డేటా వస్తుండడం విశేషం. దీంట్లోనూ జియో టీవీ, జియో క్లౌడ్‌ యాప్‌లతో పాటు ప్రైమ్‌ వీడియో మొబైల్‌, డిస్నీ+ హాట్‌స్టార్‌, సోనీ లివ్‌, జీ5, జియో సినిమా ప్రీమియం, డిస్కవరీ+ సహా మొత్తం 14 ఓటీటీల సబ్‌స్క్రిప్షన్‌ లభిస్తుంది.