Vodafone Idea: ₹169 రీఛార్జితో 90 రోజుల డిస్నీ సబ్‌స్క్రిప్షన్‌.. వొడా కొత్త ప్లాన్‌

Vodafone Idea | ఇంటర్నెట్‌డెస్క్‌: కస్టమర్లను ఆకట్టుకోవడంలో భాగంగా ప్రముఖ టెలికాం కంపెనీ వొడాఫోన్‌ ఐడియా (Vodafone Idea) కొత్త ప్రీపెయిడ్‌ ప్లాన్‌ను (prepaid plan) తీసుకొచ్చింది. ఓటీటీలకు ఆదరణ పెరుగుతున్న నేపథ్యంలో ఈతరహా సేవల్ని అందించడానికి రూ.169 ప్లాన్‌ తీసుకొచ్చింది. వొడా అందుబాటులోకి తెచ్చిన కొత్త ప్లాన్‌ వివరాలు ఓసారి చూసేయండి.

వొడాఫోన్‌ ఐడియా కొత్తగా తీసుకొచ్చిన రూ.169 ప్లాన్‌ 30 రోజుల వ్యాలిడిటీతో వస్తోంది. మూడు నెలల పాటు డిస్నీ+ హాట్‌స్టార్‌ మొబైల్‌ వెర్షన్‌ సబ్‌స్క్రిప్షన్‌ను అందిస్తోంది. ఈ రీఛార్జితో మొత్తం 8జీబీ డేటా ఇస్తున్నారు. రోజువారీ వినియోగంపై ఎలాంటి పరిమితీ లేదు. ప్లాన్‌లో వాయిస్‌ కాలింగ్‌, ఎస్సెమ్మెస్‌లు వంటి ఇతర ఎలాంటి ప్రయోజనాలు ఉండవు. అదనపు డేటాతో పాటు ఓటీటీ బెన్‌ఫిట్స్‌ కావాలనుకునే వారు ఈ ప్లాన్‌ను పరిశీలించొచ్చు.