Breaking | Feedback | ePratibha | E-PAPER | Pratibha

Instagram: త్వరలో ఫేస్‌బుక్‌, ఇన్‌స్టాలో క్రాస్‌ చాటింగ్‌ బంద్‌!

Instagram: ఫేస్‌బుక్‌, ఇన్‌స్టా మధ్య అనుసంధానానికి వీలు కల్పించిన క్రాస్‌ చాటింగ్‌ ఫీచర్‌ను తొలగించనున్నట్లు మెటా వెల్లడించింది.

Published : 06 Dec 2023 14:12 IST

Instagram Facebook cross chatting | ఇంటర్నెట్‌ డెస్క్‌: ప్రముఖ సామాజిక మాధ్యమాలు ఇన్‌స్టాగ్రామ్‌, ఫేస్‌బుక్‌ విషయంలో టెక్‌ దిగ్గజం మెటా కీలక నిర్ణయం తీసుకుంది. క్రాస్‌ చాటింగ్‌ ఫీచర్‌ను నిలిపివేయబోతున్నట్లు తెలిపింది. డిసెంబర్‌లోనే దీన్ని అమల్లోకి తెస్తామని వెల్లడించింది.

ప్రస్తుతం ఫేస్‌బుక్ మెసెంజర్‌ నుంచి ఇన్‌స్టాగ్రామ్‌కు, ఇన్‌స్టాగ్రామ్ నుంచి మెసెంజర్‌కు సందేశాలు పంపడం, కాల్స్‌ చేయడానికి అనుమతి ఉంది. ఈ క్రాస్‌ చాటింగ్‌ ఫీచర్‌ను 2020లో తీసుకొచ్చారు. ఇన్‌స్టా లేదా మెసెంజర్‌ సెట్టింగ్‌లలో ఆ మేరకు మార్పులు చేసుకొని ఈ ఫీచర్‌ను ఉపయోగించుకోవచ్చు. కానీ, తాజాగా దీన్ని తొలగించనుండటంతో ఫేస్‌బుక్‌ నుంచి ఇన్‌స్టాకు, ఇన్‌స్టా నుంచి ఫేస్‌బుక్‌కు చాటింగ్‌, కాల్స్‌ చేయడం కుదరదు.

ఇప్పటి వరకు ఒక ప్లాట్‌ఫామ్‌ నుంచి మరోదానికి పంపిన, అందుకున్న సందేశాలు రీడ్‌-ఓన్లీ మెసేజ్‌లుగా మిగిలిపోతాయి. అలాగే ఇన్‌స్టా నుంచి అందిన సందేశాలు ఫేస్‌బుక్‌ మెసెంజర్‌ ఇన్‌బాక్స్‌కు బదిలీ చేయబోమని మెటా స్పష్టం చేసింది. ఫేస్‌బుక్‌, ఇన్‌స్టా మధ్య అనుసంధానానికి వీలుకల్పించిన ఈ ఫీచర్‌ను తొలగించడానికి గల కారణాన్ని మాత్రం మెటా వెల్లడించలేదు.

► Read latest Business News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.