Road Accident: ఆటో - లారీ ఢీ: ఐదుగురి దుర్మరణం

సంతమాగులూరు, అనంతపురం: ఏపీలో ఆదివారం ఉదయం జరిగిన రెండు వేర్వేరు రోడ్డు ప్రమాదాల్లో ఏడుగురు మృత్యువాత పడ్డారు. బాపట్ల జిల్లా సంతమాగులూరులోని ప్రభుత్వ ఉన్నత పాఠశాల సమీపంలో ఆటో - లారీ ఢీకొని ఐదుగురు మరణించారు. అనంతపురం జిల్లాలో జరిగిన ప్రమాదంలో ఇద్దరు యువకులు మృతిచెందారు.

గుడివాడ వైకాపాలో ముసలం

బాపట్ల జిల్లా సంతమాగులూరు వద్ద గుంటూరు - కర్నూలు ప్రధాన రహదారిపై ప్రయాణిస్తున్న ఆటోను లారీ ఢీ కొట్టింది. ఈ ప్రమాదంలో ఆటోలో ప్రయాణిస్తున్న ఇద్దరు మహిళలు, మరో వ్యక్తి అక్కడికక్కడే మృతిచెందారు. మరో ఇద్దరు మహిళలు నరసరావుపేట ప్రభుత్వాసుపత్రిలో చికిత్స పొందుతూ చనిపోయారు. మరో ఇద్దరు తీవ్ర గాయాలతో చికిత్స పొందుతున్నారు. ఆటోలో ప్రయాణిస్తున్నవారు గుంటూరుకు చెందిన క్యాటరింగ్‌ సిబ్బందిగా స్థానికులు తెలిపారు.

అనంతపురం జిల్లాలో రెండు బైక్‌లు ఢీకొని ఇద్దరు యువకులు మృతిచెందారు. విడపనకల్లు మండలం పొలికి వద్ద ఈ ప్రమాదం జరిగింది. మృతులను బాలు(18), వర్ధన్‌(20)గా గుర్తించారు.