ఉత్సాహంగా జిల్లా స్థాయి క్రికెట్ ఎంపిక పోటీలు

ఆదిలాబాద్‌ క్రీడావిభాగం: జిల్లా కేంద్రంలోని ఇందిరా ప్రియదర్శిని క్రీడా ప్రాంగణంలో ఆదివారం హైదరాబాద్ క్రికెట్ సంఘం ఆధ్వర్యంలో నిర్వహిస్తున్న జిల్లా స్థాయి క్రికెట్ ఎంపిక పోటీలు ఉత్సాహంగా సాగాయి. అండర్-14, 16, 19, 23 విభాగం వారీగా వేర్వేరుగా నిర్వహించిన పోటీల్లో క్రీడాకారులు ఎంపికే లక్ష్యంగా మైదానంలో శ్రమించారు. అంతకుముందు ముఖ్య అతిథిగా హాజరైన సీనియర్ క్రీడాకారుడు అతవుల్లా ఖాన్ మాట్లాడుతూ క్రమశిక్షణ ఉంటే ఏ ఆటలోనైనా ఉన్నత లక్ష్యాలను చేరుకోవచ్చని, పోటీల్లో క్రీడా స్ఫూర్తి తప్పనిసరి అని సూచించారు. ఈ కార్యక్రమంలో నిర్వహణ సహాయకులు గౌతం, విజయ్ కుమార్ పాల్గొన్నారు.