57 మంది అధ్యాపకులకు నోటీసులు

మంచిర్యాల విద్యావిభాగం, న్యూస్‌టుడే: ఇంటర్‌ ఫలితాల్లో ప్రభుత్వ జూనియర్‌ కళాశాలల్లో ఉత్తీర్ణత శాతం తగ్గడంపై ఇంటర్మీడియట్‌ విద్యాశాఖ దృష్టి సారించింది. జిల్లాలోని 10 ప్రభుత్వ జూనియర్‌ కళాశాలల్లో జనరల్‌, వొకేషనల్‌ విభాగంలో ప్రథమ సంవత్సరంలో 29.28 శాతం, ద్వితీయ సంవత్సరంలో 46.98 శాతం ఉత్తీర్ణత నమోదైన నేపథ్యంలో విద్యార్థులు ఎక్కువ సంఖ్యలో ఫెయిల్‌ కావడానికి కారణాలను అన్వేషిస్తూ అధికారులు చర్యలకు ఉపక్రమించారు. ఆయా సబ్జెక్టుల్లో బోధించే 57 మంది అధ్యాపకులకు షోకాజ్‌ నోటీసులు జారీచేశారు. మూడ్రోజుల్లోగా సంబంధిత అధ్యాపకులు ఫలితాలపై వివరణ ఇవ్వాలని ఆదేశాలు జారీచేశారు.