చంద్రబాబుతోనే సంక్షేమం

గూడూరు:  చంద్రబాబుతోనే సంక్షేమం సాధ్యమని తెదేపా పెడన ఎమ్మెల్యే అభ్యర్థి కాగిత కృష్ణప్రసాదు సతీమణి శిరీష అన్నారు. శనివారం ఆమె కూటి శ్రేణులతో కలిసి మండల పరిధిలోని తరకటూరు, జక్కంచర్ల గ్రామాల్లో పర్యటించారు. ఈ సందర్భంగా ఆమె సూపర్‌-6 పథకాల గురించి వివరించారు. తెదేపా హయాంలో చేపట్టిన అభివృద్ధి మినహా ప్రస్తుత ప్రభుత్వం ఐదేళ్లలో చేసిందేమి లేదని విమర్శించారు. వచ్చే ఎన్నికల్లో ఎమ్మెల్యే ఓటు సైకిల్‌ గుర్తు, ఎంపీ ఓటు గాజుగ్లాసు గుర్తుపై  వేసి ఆశీర్వదించాలని కోరారు. తెదేపా మండల అధ్యక్షుడు పోతన లక్ష్మీనరసింహస్వామి, కేడీసీసీ బ్యాంకు మాజీ డైరెక్టర్‌ తలుపుల కృష్ణ, నాయకులు గోపి నాగబాబు, శాయన సోమయ్య, కాట్రగడ్డ రత్నబాబు, ఎన్‌ఏబేగ్‌, మత్తి సత్యనారాయణ, కాట్రగడ్డ కృష్ణ, రాంబాబు, మత్తి సుబ్రహ్మణ్యం, గళ్లా ఆంజనేయులు, అంబటి అయ్యప్ప తదితరులు పాల్గొన్నారు.