6న అవనిగడ్డకు పవన్‌ కల్యాణ్‌

అవనిగడ్డ గ్రామీణం, న్యూస్‌టుడే: ఎంపీ వల్లభనేని బాలశౌరి కూటమి ఎమ్మెల్యే అభ్యర్థి మండలి బుద్ధప్రసాద్‌తో కలిసి ఆదివారం వేకనూరు వంతెన కూడలిలోని అభయాంజనేయస్వామిని దర్శించుకొని పూజలు చేశారు. ఈ సందర్భంగా ఆయన మాట్లాడుతూ మే నెల 6న జనసేన అధినేత పవన్‌ కల్యాణ్ అవనిగడ్డ పర్యటనకు వస్తారని.. ఆయనతో పాటు తెదేపా అధినేత చంద్రబాబు కూడా వచ్చే అవకాశం ఉందన్నారు.

వైకాపాకు భారీ షాక్‌

అవనిగడ్డ, చల్లపల్లి న్యూస్‌టుడే: వైకాపాకు నియోజకవర్గంలో షాక్‌ మీద షాక్‌లు తగులుతున్నాయి. మాజీ ఎంపీ, ఎమ్మెల్యే అంబటి బ్రాహ్మణయ్య సమీప బందువు వక్కపట్లవారిపాలెం గ్రామ సర్పంచి అంబటి శ్యామ్‌ప్రసాద్‌ ఆదివారం స్థానిక జనసేన కార్యాలయంలో ఆ పార్టీ ఎంపీ, ఎమ్మెల్యే అభ్యర్థులు వల్లభనేని బాలశౌరి, మండలి బుద్ధప్రసాద్‌ల సమక్షంలో జనసేనలో చేరారు.