నందిగామలో ఉమ్మడి అభ్యర్థి ఎన్నికల ప్రచారం

నందిగామ గ్రామీణం : ఎన్టీఆర్‌ జిల్లా జగ్గయ్యపేట నియోజకవర్గం నందిగామ మండలంలోని రుద్రవరం, సోమవరం గ్రామాల్లో ఎన్డీఏ కూటమి అభ్యర్థి శ్రీరామ్‌ రాజగోపాల్ తాతయ్య తెదేపా, భాజపా, జనసేన  పార్టీల నాయకులతో ఎన్నికల ప్రచారం నిర్వహించారు. ఈ సందర్భంగా ఆయన ప్రజల సమస్యలు అడిగి తెలుసుకున్నారు. సైకిల్ గుర్తుకు ఓటు వేసి విజయవాడ తెదేపా ఎంపీ అభ్యర్థిగా కేశినేని శివనాథ్‌ (చిన్ని), జగ్గయ్యపేట నియోజకవర్గ తెదేపా ఎమ్మెల్యే అభ్యర్థిగా తనను గెలిపించాలని  కోరారు.

తెదేపాలో చేరిన వైకాపా నాయకులు

రుద్రవరం గ్రామానికి చెందిన జిల్లేపల్లి మరియదాసుతో పాటు మరో 5 కుటుంబాలు అధికార వైకాపాను వీడి శ్రీరామ్‌ రాజగోపాల్ తాతయ్య సమక్షంలో తెదేపాలో చేరాయి. వారి వెంట తెదేపా, భాజపా, జనసేన పార్టీల నాయకులు, కార్యకర్తలు, మహిళలు పెద్ద సంఖ్యలో ఉన్నారు.