Kajal Aggarwal: అందుకే ‘జనతా గ్యారేజ్’లో ఐటెం సాంగ్ చేశాను: కాజల్ అగర్వాల్
హీరోయిన్ కాజల్ అగర్వాల్ ‘ఆలీతో సరదాగా’ కార్యక్రమానికి అతిథిగా హాజరయ్యారు.
చందమామతో దగ్గరై.. మిత్రవిందగా మాయ చేసి అభిమానులను సొంతం చేసుకున్నారు హీరోయిన్ కాజల్ అగర్వాల్. సరైన పాత్రలను ఎంచుకొని స్టార్ హీరోయిన్గా ఎదిగి సక్సెస్ను అందుకున్నారు. ఎన్నో వైవిధ్యమైన పాత్రలతో ప్రేక్షకులను అలరించేందుకు సిద్ధమవుతోన్న క్యూట్ కాజల్ (Kajal) తాజాగా ఆలీతో సరదాగా కార్యక్రమానికి అతిథిగా హాజరయ్యారు. తన సినీ కెరీర్కు సంబంధించిన విశేషాలను పంచుకున్నారు. ఆమెతో పాటు దర్శకుడు శశికిరణ్ తిక్క కూడా ఆ కార్యక్రమానికి వచ్చారు.
కాజల్ (Kajal Aggarwal) అనే పేరు ఎవరు పెట్టారు?
కాజల్: ఈ పేరు నాకు మా తాతయ్య పెట్టారు. నేను ముంబయిలో పుట్టాను. తెలుగు నేర్చుకోవడానికి చాలా కష్టపడ్డాను. ఇప్పుడు తెలుగు బాగా మాట్లాడుతున్నా. నాకు సెకండ్ లాంగ్వేజ్లా మారిపోయింది.
మీ మొదటి సినిమా ఏ భాషలో చేశారు?
కాజల్: నా తొలి చిత్రం తెలుగులోనే విడుదలైంది. మొదట హిందీ చిత్రానికి సైన్ చేశాను. కానీ, అది ప్రారంభమయ్యేకంటే ముందే.. తెలుగులో ‘లక్ష్మీ కల్యాణం’ విడుదలైంది. స్కూల్లో చదువుకునే సమయంలో ఒక హిందీ చిత్రంలో చిన్న పాత్ర చేశానంతే. హీరోయిన్గా మాత్రం ‘లక్ష్మీ కల్యాణం’ మొదటిది.
‘లక్ష్మీ కల్యాణం’ అవకాశం ఎలా వచ్చింది?
కాజల్: దర్శకుడు తేజ నా ఫొటోస్ చూసి ఆడిషన్స్కు పిలిచారు. ‘ఒకసారి ఏడవండి’ అన్నారు. నా జీవితంలో నేను అప్పటివరకు ఎప్పుడూ ఏడవలేదు. ఎన్నిసార్లు ప్రయత్నించినా ఏడుపు రాలేదు. ఎన్నో ప్రయత్నాలు చేశారు. నా చిన్నప్పుడు స్కూల్లో జరిగిన బాధాకరమైన విషయాలు గుర్తు చేశారు. అయినా కన్నీళ్లు రాలేదు. అప్పుడు మా నాన్న ఏదో చెప్పారు. దానికి ఏడుపు వచ్చింది. ఆ కన్నీళ్లతో తేజ చెప్పమన్నట్లు చెప్పాను. సెలెక్ట్ చేశారు.
ఆ సినిమా షూటింగ్ సమయంలో తేజ మీపై ఎప్పుడైనా సీరియస్ అయ్యారా?
కాజల్: దర్శకుడు తేజ ప్రతీ సన్నివేశాన్ని జాగ్రత్తగా తీస్తారు. నాపై సీరియస్ కాలేదు. కాకపోతే ఆయన సన్నివేశం బాగా రాకపోతే ఆయన మాటతీరు తిట్టినట్లు ఉంటుంది. నేను మొదట్లోనే ఆ విషయాన్ని అర్థం చేసుకున్నా. సెట్లో అరిచినప్పుడు నేనూ తిరిగి అరిచేదాన్ని. కాసేపు మాట్లాడుకునేవాళ్లం కాదు. మళ్లీ కొంతసేపటికే అంతా సెట్ అయ్యేది. ఆయన దర్శకత్వంలో నేను మూడు సినిమాల్లో (లక్ష్మీ కల్యాణం, నేనేరాజు నేనే మంత్రి, సీత) నటించా.
‘సత్యభామ’ గురించి చెప్పండి?
కాజల్: నేను ఇందులో పోలీస్ పాత్రలో కనిపించనున్నా. చాలా ఆసక్తికరంగా ఉంటుంది. శశి దర్శకత్వంలో ఇది రూపొందుతోంది. నాకు ఇలాంటి చిత్రాలంటే ఆసక్తి ఎక్కువ. ఈ కథ చెప్పగానే నచ్చింది. వెంటనే ఓకే చేశా.
మీది ప్రేమ వివాహమా, పెద్దలు కుదిర్చినదా?
కాజల్: ప్రేమించుకున్నాం. పెద్దలను ఒప్పించి పెళ్లి చేసుకున్నాం. మొదటిసారి గౌతమ్ కిచ్లూని స్నేహితుల పెళ్లిలో కలిశాను. 10 ఏళ్లు ఫ్రెండ్స్గా ఉన్నాం. కరోనా టైమ్లో పెళ్లి చేసుకోవాలని నిర్ణయించుకున్నాం.
తెలుగింటి సంప్రదాయాలంటే మీకు ఇష్టమా?
కాజల్: చాలా ఇష్టం. అందుకే నా పెళ్లిలో కొన్ని క్రతువులు మన సంప్రదాయానికి సంబంధించినవి కూడా ఉండేలా చూసుకున్నా. నాకు తెలియకుండానే తెలుగులో ఎన్నో ఫేక్ పెళ్లిళ్లు చేసేశారు. అందుకే నిజం పెళ్లి కూడా అదే సంప్రదాయంలో చేసుకున్నా.
ఇప్పటివరకు ఎన్ని సినిమాల్లో చేశారు?
కాజల్: మూడు భాషల్లో నటించాను. తెలుగు, తమిళ, హిందీ భాషల్లో దాదాపుగా 60కు పైగా సినిమాలు చేశా. ఎంతోమంది గొప్ప దర్శకులతో పని చేశాను. రాజమౌళి, కృష్ణవంశీ, సుకుమార్, తేజ.. ఇప్పుడు శంకర్ గారి దర్శకత్వంలో వర్క్ చేస్తున్నాను. వాళ్లలో ఎవరి దర్శకత్వం ఇష్టమంటే చెప్పలేను. ఇండస్ట్రీలో రెండు జనరేషన్స్తో కలిసి చేసిన హీరోయిన్ని నేనే. చిరంజీవి-రామ్చరణ్తో చేశా. నాగచైతన్య సరసన చేశాను. నాగార్జున సినిమాలో అవకాశం వచ్చింది. కానీ, ఆ సమయంలో నేను ప్రెగ్నెంట్ కావడంతో చేయలేకపోయాను.
మీ స్కూల్ నుంచి రోజూ ఇంటికి ఫోన్లు వచ్చేవట ఎందుకు?
కాజల్: నేను చదువుకునే సమయంలో చాలా కొంటె పనులు చేసేదాన్ని. మా టీచర్స్ వాటి గురించి మా అమ్మతో చెప్పేవాళ్లు. ఇంటి దగ్గర కూడా నేను, మా చెల్లి బాగా అల్లరి చేసేవాళ్లం. పక్క బిల్డింగ్లో వాళ్ల మీద వాటర్ బెలూన్స్ వేసేవాళ్లం.
నిషా అగర్వాల్తో మీ అనుబంధం ఎలా ఉంటుంది?
కాజల్: మా ఇద్దరిలో నేను ఎక్కువ గోల చేస్తాను. తను సైలెంట్ కిల్లర్. ప్రస్తుతం తను ముంబయిలో ఉంది. నాకంటే ముందే పెళ్లి చేసుకుంది.
ఇండస్ట్రీకి రావడానికి స్ఫూర్తి ఎవరు?
కాజల్: మాది సినీ నేపథ్యం ఉన్న కుటుంబం కాదు. నేను యాక్టర్ కావాలని ముందే దేవుడు నిర్ణయించాడేమో. అన్నీ దానికి అనుకూలంగానే జరిగాయి.
‘మగధీర’ చేసే సమయంలో ఎలా అనిపించింది?
కాజల్: ఆ సినిమా చేసే సమయంలో అంత పెద్ద హిట్ అవుతుందని ఊహించలేదు. పెద్ద డైరెక్టర్, స్టార్ హీరోతో వర్క్ చేస్తున్నా అనే భావనలో ఉన్నానంతే. ఆ సినిమా తర్వాత నాకు స్టార్డమ్ వచ్చింది. కథలను ఎంపిక చేసుకునే విధానం మారింది.
కాలేజీ రోజుల్లో ఎంతమంది ప్రపోజ్ చేశారు?
కాజల్: చాలామంది ప్రపోజ్ చేశారు. వందకు పైగా లెటర్స్ వచ్చాయి. ఒక అబ్బాయి రాసిన లవ్ లెటర్ నాకు చాలా నచ్చింది. నా గురించి కవిత రాశాడు. అది మా అమ్మకు నచ్చి దాచిపెట్టుకుంది.
‘సత్యభామ’ కథ వినగానే ఏమనిపించింది?
కాజల్: నేను ఇప్పటివరకు అన్ని జోనర్లో సినిమాలు చేశాను. కుటుంబనేపథ్యం ఉన్న సినిమాలు, కమర్షియల్, రొమాంటిక్.. ఇలాంటి ఎన్నో చిత్రాల్లో నటించా. కానీ, మహిళా ప్రాధాన్యం ఉన్న సినిమా చేయాలనిపించింది. అందుకే దీనికి ఓకే చెప్పా. దీనికోసం ఎంతో కష్టపడ్డా. స్టంట్స్ చేయడం అంత సులభం కాదు.
బాగా నిరాశపరిచిన సినిమా ఏదైనా ఉందా?
కాజల్: ఇది కచ్చితంగా హిట్ అవుతుంది అనుకున్న సినిమాలు కొన్ని అసలు ప్రేక్షకాదరణే నోచుకోలేదు. అప్పుడు ఒత్తిడికి గురయ్యాను. హిందీలో నేను ‘లఫ్జోన్ కీ కహానీ’ అనే సినిమా చేశా. అందులో అంధురాలిగా నటించాను. చాలా కష్టపడ్డాను. కానీ, ఆ చిత్రం హిట్ కాలేదు. తెలుగులో కూడా అలాంటి సినిమాలు ఉన్నాయి.
‘జనతా గ్యారేజ్’లో ఐటెం సాంగ్ ఎందుకు చేశారు?
కాజల్: ఎన్టీఆర్ కోసం. ఆయనతో నేను ఎన్నో సినిమాలు చేశాను. నాకు ఆ పాట ఛాలెంజింగ్గా అనిపించింది. అందుకే నటించాను.
కాజల్ రెమ్యూనరేషన్ పెంచేసింది? అందుకే ఆఫర్లు రావట్లేదని టాక్.. నిజమేనా?
కాజల్: కాదు. నేను అందరిలాగే పారితోషికం తీసుకుంటాను. పాత్రను బట్టి డిమాండ్ చేస్తానంతే.
అల్లు అర్జున్ మీకు ఇచ్చిన సలహా ఏంటి?
కాజల్: నాకు చాలా విలువైన సలహా ఇచ్చాడు. ఇప్పటికీ దాన్ని పాటిస్తున్నాను. కెమెరా ఆఫ్ చేశాక కూడా కొంచెంసేపు ఎమోషన్లోనే ఉండాలన్నారు. ఎడిటింగ్ సమయంలో అది అవసరం అవుతుందని చెప్పారు. అది నాకు ఎంతో ఉపయోగపడింది.
రాజమౌళి గురించి చెప్పండి?
కాజల్: ఎంత ఎదిగినా ఒదిగి ఉండే మనస్తత్వం ఆయనది. ఆయన విజన్ మరో స్థాయిలో ఉంటుంది. ఆయనతో వర్క్ చేశాక అసాధ్యం అనుకున్న పనులు కూడా సాధ్యం చేయొచ్చని అర్థమైంది. ఆయనతో కలిసి మరోసారి వర్క్ చేసేందుకు ఎప్పుడూ సిద్ధమే.
తమన్నాతో ఫ్రెండ్షిప్ ఎలా ఉంటుంది?
కాజల్: నాకు సమంత, తమన్నా ఇద్దరూ ఫ్రెండ్సే. షూటింగ్స్ ఉండడం వల్ల ఎక్కువగా కలవడానికి అవకాశం ఉండదు. ఎప్పుడైనా కలిసినప్పుడు మాత్రం చాలా ఎంజాయ్ చేస్తాం. సమంతతో నేను కలిసి నటించాను. తమన్నా, నేను ఒకేసారి ఇండస్ట్రీకి వచ్చాం. మేము కలిసినప్పుడు పని గురించి తక్కువ మాట్లాడుకుంటాం.
ముంబయి, హైదరాబాద్ల్లో ఏదంటే ఇష్టం?
కాజల్: హైదరాబాద్. ఇక్కడ ఎలాంటి వాళ్లైనా జీవించొచ్చు. దేశంలోని బెస్ట్ సిటీల్లో హైదరాబాద్ ఒకటి.
‘సత్యభామ’కు దర్శకుడిగా కాకుండా.. స్క్రీన్ప్లేకే ఎందుకు పరిమితం అయ్యారు?
శశికిరణ్: నాకు సినిమాకు సంబంధించిన అన్ని పనులు చేయాలని కోరిక. అందుకే ఈ చిత్రానికి స్క్రీన్ప్లే అందిస్తున్నా. భవిష్యత్తులో రచయితగా, కొరియోగ్రాఫర్గా కూడా చేయాలనుకుంటున్నా.
ఈ సినిమాలో కాజల్నే ఎందుకు ఎంపిక చేసుకున్నారు?
శశికిరణ్: ఆమె ఎన్నో జోనర్స్లో నటించారు. ‘సత్యభామ’ పాత్ర కాజల్కు సరిపోతుందనిపించింది. అందుకే ఆమెను ఎంపిక చేశాం. ఎంతో కష్టపడ్డారు. సెట్లోకి రాగానే పాత్రలో లీనమైపోతారు.
‘మేజర్’ సినిమాకు నేషనల్ అవార్డు వస్తుందనుకుంటున్నారా?
శశికిరణ్: మా టీమ్ నామినేషన్ పంపింది. సందీప్ ఉన్నికృష్ణన్ ఆ అవార్డుకు అర్హుడు.
తల్లి అయ్యాక ఏమనిపించింది?
కాజల్: మా అబ్బాయి నా జీవితం మొత్తాన్ని మార్చేశాడు. నేను మా అమ్మతో చాలా క్లోజ్గా ఉంటాను. ఇప్పుడు మా బాబుతో కూడా అలానే ఉంటున్నా. అమ్మ అవ్వాలంటే ఎన్నో త్యాగాలు చేయాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఎవరినీ కించపరచడం మా ఉద్దేశం కాదు.. ‘డబుల్ ఇస్మార్ట్’ పాటపై మణిశర్మ క్లారిటీ
‘డబుల్ ఇస్మార్ట్’ పాట వివాదంపై సంగీత దర్శకుడు మణిశర్మ క్లారిటీ ఇచ్చారు. అందులో వాడిన లిరిక్స్ ఎవరినీ కించపరచడం కోసం కాదన్నారు. -
ధనుష్ చేయాలనుకున్న పాత్రలో నేను నటించా!
‘‘నేను హీరోనా? లేక విలన్గా కనిపిస్తానా అనే విషయాల్ని పక్కనపెడితే... నటన పరంగా ‘రాయన్’ నా కెరీర్లో గుర్తుండిపోయే చిత్రం అవుతుంది’’ అంటున్నారు సందీప్కిషన్. -
ఆ షాక్ నుంచి బయటకు రావడానికి మూడు రోజులు పట్టింది: కృష్ణవంశీ
ఈటీవీ ‘నా ఉచ్ఛ్వాసం కవనం’ కార్యక్రమానికి దర్శకుడు కృష్ణవంశీ అతిథిగా హాజరయ్యారు. సిరివెన్నెల సీతారామశాస్త్రితో ఉన్న అనుబంధాన్ని గుర్తుచేసుకొని భావోద్వేగానికి గురయ్యారు. -
పవన్ కల్యాణ్పై ప్రశ్న.. ఇలాంటివి అడగొద్దన్న నిహారిక
తన సమర్పణలో రానున్న ‘కమిటీ కుర్రాళ్లు’ సినిమా ప్రచారంలో బిజీగా ఉన్నారు నిహారిక. తాజాగా పాల్గొన్న ఓ ఇంటర్వ్యూలో పవన్ కల్యాణ్ గురించి ప్రత్యేకంగా మాట్లాడారు. -
‘నిన్నెవరన్నా సినిమా తీయమని బతిమలాడారా’ అంటూ తిట్టారు: కృష్ణవంశీ
క్రియేటివ్ డైరెక్టర్ కృష్ణ వంశీ (Krishna Vamsi) ఈటీవీ ‘నా ఉచ్ఛ్వాసం కవనం’ (Naa Uchvasanam Kavanam) ద్వారా తాను తండ్రిగా భావించే సిరివెన్నెల సీతారామశాస్త్రికి సంబంధించిన ఎన్నో అనుభవాలనుపంచుకున్నారు. -
యాస్కీన్ పాత్ర ‘కల్కి: పార్ట్-2’లో అదిరిపోతుంది: కమల్హాసన్
Kalki 2898 AD: కల్కిలో యాస్కీన్ పాత్ర గురించి కమల్హాసన్ తన అభిప్రాయాన్ని పంచుకున్నారు. -
నా ఫ్లాప్లు వాళ్లు ఎంజాయ్ చేస్తున్నారు: స్టార్ హీరో
ఇండస్ట్రీలో ఒకరిపై ఒకరు బురద జల్లుకోవడం సాధారణమైపోయిందని స్టార్ హీరో అక్షయ్ కుమార్ విచారం వ్యక్తం చేశారు -
ఆఫీస్ బాయ్ అనుకొని టీ తీసుకురమ్మన్నారు..: కృష్ణవంశీ
గేయ రచయిత సిరివెన్నెల సీతారామశాస్త్రి (sirivennela sitarama sastry) ని చాలా ఎక్కువగా అనుసరించే వాడినని దర్శకుడు కృష్ణవంశీ (Krishna vamsi) అన్నారు. ఆయనతో ఉన్న అనుబంధాన్ని పంచుకున్నారు. -
అందుకే ‘భారతీయుడు’ సీక్వెల్ రెండు భాగాలు: శంకర్
‘భారతీయుడు 2’ ఈ నెల 12న విడుదల కానుంది. ఈ సందర్భంగా హైదరాబాద్లో నిర్వహించిన ప్రెస్మీట్లో టీమ్ పాల్గొని, సందడి చేసింది. -
‘కల్కి’లో కృష్ణుడిగా మహేశ్బాబు: నాగ్ అశ్విన్ సమాధానమేంటంటే?
‘కల్కి 2898 ఏడీ’ దర్శకుడు నాగ్ అశ్విన్ మీడియాతో ముచ్చటించారు. ఆ సినిమా గురించి పలు ఆసక్తికర విశేషాలు పంచుకున్నారు. -
ప్రభాస్ పాత్రపై ఫ్యాన్స్ అసంతృప్తి: అశ్వనీదత్ సమాధానమేంటంటే?
‘కల్కి 2898 ఏడీ’తో మంచి విజయాన్ని అందుకున్నారు ప్రముఖ నిర్మాత అశ్వనీదత్. ఓ ఇంటర్వ్యూలో పాల్గొని పలు ఆసక్తికర విశేషాలు పంచుకున్నారు. -
‘జేమ్స్ బాండ్’ తరహా సినిమాలతో పాటు ఇలాంటివీ తీస్తాను.. ఫ్యూచర్ ప్రాజెక్ట్స్పై శంకర్ కామెంట్స్
‘భారతీయుడు 2’ ప్రమోషన్లో భాగంగా శంకర్ అభిమానులతో ముచ్చటించారు. వారి ప్రశ్నలకు ఆసక్తికర సమాధానాలు చెప్పారు. -
‘నేనున్నాను’ హిట్ కావడానికి అదే కారణం: నాగార్జున
గేయ రచయిత సిరివెన్నెల సీతారామశాస్త్రి అంటే తనకెంతో ఇష్టమని నాగార్జున అన్నారు. ఆయనతో ఉన్న అనుబంధాన్ని పంచుకున్నారు. -
‘కల్కి’ పార్ట్-2 రిలీజ్ ఎప్పుడంటే? ఆసక్తికర విషయాలు చెప్పిన అశ్వనీదత్
kalki part 2 release date: ప్రభాస్, నాగ్ అశ్విన్ కాంబినేషన్లో వచ్చిన ‘కల్కి 2898 ఏడీ’ సినిమా విజయపథంలో దూసుకుపోతోంది. ఈసందర్భంగా నిర్మాత అశ్వనీదత్ ఆసక్తికర విషయాలను పంచుకున్నారు. -
కావాలనే అప్పుడు రెమ్యూనరేషన్ పెంచాను: కమల్ హాసన్
‘భారతీయుడు’లో తాను భాగం కావాలని అనుకోలేదని కమల్ హాసన్ చెప్పారు. తాజాగా ‘భారతీయుడు 2’ మూవీ టీమ్ మీడియాతో ముచ్చటించింది. -
ఆయన్ని చూస్తే అసూయగా ఉండేది: నాగార్జున
గేయ రచయిత సిరివెన్నెల సీతారామశాస్త్రితో ఉన్న అనుబంధాన్ని అగ్ర కథానాయకుడు నాగార్జున గుర్తుచేసుకున్నారు. -
ప్రభాస్ అభిమానులు నన్ను క్షమించాలి: అమితాబ్ బచ్చన్
తాజాగా ‘కల్కి’ చిత్రబృందం ఓ ఇంటర్వ్యూలో పాల్గొంది. ఇందులో అమితాబ్ మాట్లాడుతూ ప్రభాస్ అభిమానులు తనని క్షమించాలని కోరారు. ఎందుకంటే.. -
నువ్వలా చేస్తే.. అమితాబ్ నేనూ చేస్తానన్నారు: ప్రభాస్
ప్రభాస్ హీరోగా తెరకెక్కిన సైన్స్ ఫిక్షన్ మూవీ ‘కల్కి 2898 ఏడీ’. ఈ సినిమా ప్రీ రిలీజ్ ఈవెంట్ ముంబయిలో జరిగింది. -
‘పుష్ప 2’ని తిరస్కరించారా?: విజయ్ సేతుపతి సమాధానమేంటంటే
విజయ్ సేతుపతి 50వ చిత్రం ‘మహారాజ’. ఈ నెల 14న విడుదలైంది. ‘థ్యాంక్ యూ మీట్’లో పాల్గొన్న సేతుపతికి ‘పుష్ప 2’పై ప్రశ్న ఎదురవగా స్పందించారు. -
‘కన్నప్ప’ను కృష్ణంరాజు ప్రభాస్తో చేద్దామనుకున్నారు.. కానీ: మోహన్బాబు
మంచు విష్ణు నటిస్తోన్న ‘కన్నప్ప’ టీజర్ తాజాగా విడుదలైంది. ఈసందర్భంగా మీడియాతో టీమ్ ముచ్చటించింది. -
నటుడిగా నేనెప్పుడూ ఫెయిల్ కాలేదు!
జయాపజయాలతో సంబంధం లేకుండా వైవిధ్యభరితమైన కథలతో ప్రయాణం చేస్తూ వస్తున్నారు కథానాయకుడు సుధీర్బాబు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఒకే ట్రాక్పైకి నాలుగు రైళ్లు.. వైరల్ వీడియోపై రైల్వే శాఖ స్పష్టత
-
శ్రీవారి భక్తులకు మరింత సౌకర్యవంతంగా తితిదే సేవలు: అదనపు ఈవో వెంకయ్య చౌదరి
-
సీఎం నీతి ఆయోగ్ సమావేశాన్ని బహిష్కరించడం సరికాదు : కేంద్ర మంత్రి ప్రహ్లాద్ జోషి
-
ఎక్కడ గంజాయి పట్టుబడినా ధూల్పేట్లోనే మూలాలు: ఎక్సైజ్ ఎన్ఫోర్స్మెంట్ డైరెక్టర్
-
అక్కడ భర్తలకు భార్యలు పాకెట్ మనీ ఇస్తారట..
-
‘అలాంటి వ్యక్తి హోం మంత్రి.. నిజంగా విచిత్రమే’: షాపై శరద్ పవార్ ఘాటు వ్యాఖ్యలు