44 నామినేషన్ల దాఖలు

చిత్తూరు కలెక్టరేట్‌, న్యూస్‌టుడే: సార్వత్రిక ఎన్నికల నేపథ్యంలో జిల్లాలోని చిత్తూరు లోక్‌సభ నియోజకవర్గంతో పాటు ఏడు అసెంబ్లీ నియోజకవర్గాలకు సోమవారం 44 నామినేషన్లు దాఖలయ్యాయి. ఎంపీ స్థానానికి సంబంధించి రిటర్నింగ్‌ అధికారి షన్మోహన్‌కు.. అభ్యర్థులు చిట్టిబాబు(కాంగ్రెస్‌), రెడ్డెప్ప రెండు సెట్లు(వైకాపా), రెడ్డెమ్మ రెండు సెట్లు(వైకాపా), నాగేశ్వరరావు (జాతీయ జనసేన పార్టీ), జానకీరామరావు(నేషనల్‌ మహాసభ పార్టీ) తమ నామపత్రాలు అందజేశారు. ః చిత్తూరు అసెంబ్లీ నియోజకవర్గానికి సంబంధించి ఆర్వో శ్రీనివాసులు అభ్యర్థుల నామపత్రాల్ని స్వీకరించారు. ప్రతిమ కంచర్ల రెండు సెట్లు (తెదేపా), టికారాం (కాంగ్రెస్‌ పార్టీ), ప్రభాకర్‌రెడ్డి (స్వతంత్ర), ఇందుమతి.. వైకాపా తరఫున రెండు సెట్లు, స్వతంత్ర అభ్యర్థిగా మరో రెండు సెట్ల నామపత్రాల్ని అందించారు. పూతలపట్టులో 7, పలమనేరు, కుప్పంలో 6, పుంగనూరులో 5, జీడీనెల్లూరులో 4, నగరిలో ఒకటి చొప్పున నామపత్రాలు దాఖలయ్యాయి.