తాళ్లపూడిలో తెదేపా ఎన్నికల ప్రచారం

తాళ్లపూడి: ఉమ్మడి పార్టీల మ్యానిఫెస్టో  అన్ని వర్గాల ప్రజల సంక్షేమానికి పెద్దపీట వేస్తుందని తెదేపా ఎమ్మెల్యే అభ్యర్థి ముప్పిడి వెంకటేశ్వరరావు తెలిపారు. తాళ్లపూడి మండలంలోని అన్నదేవరపేటలో తెదేపా, జనసేన, భాజపా ఆధ్వర్యంలో రోడ్‌ షో, ఎన్నికల ప్రచారం నిర్వహించారు. పిల్లల భవిష్యత్తును దృష్టిలో ఉంచుకొని ఓటు వేయాలని ఓటర్లను అభ్యర్థించారు. రానున్న ఎన్నికల్లో ఉమ్మడి ఎమ్మెల్యే అభ్యర్థి ముప్పిడి వెంకటేశ్వరరావు, రాజమహేంద్రవరం ఎంపీ పురందేశ్వరిని కమలం గుర్తుపై ఓటు వేసి గెలిపించాలని కోరారు. . ఈ కార్యక్రమంలో చాగల్లు జడ్పీటీసీ మాజీ సభ్యుడు విక్రమాదిత్య, కొరారు వెంకట్రావు, కాకర్ల సత్యేంద్ర, గణపతికృష్ణ, చెవ్వూరి బంగ్రారాజు, ఎలుగుబండి బాలకృష్ణ పాల్గొన్నారు.