ఉత్సాహంగా 5కే మెగా రన్‌ ఫర్‌ హెల్త్‌

పరుగులో పాల్గొన్న టీసీఎస్‌ ఉద్యోగులు

మాదాపూర్‌, న్యూస్‌టుడే: వరల్డ్‌ హెల్త్‌ డేను పురస్కరించుకొని ఆదివారం యశోద హాస్పిటల్స్‌, టాటా కన్సల్టెన్సీ సర్వీసెస్‌(టీసీఎస్‌) సంయుక్త ఆధ్వర్యంలో ‘‘5కే మెగా రన్‌ ఫర్‌ హెల్త్‌’’ పేరిట చేపట్టిన పరుగు ఉత్సాహంగా సాగింది. ఆరోగ్యకరమైన జీవనశైలి పట్ల ఐటీ ఉద్యోగుల్లో అవగాహన కల్పించేందుకు చేపట్టిన ఈ పరుగును యశోద హాస్పిటల్స్‌ డైరెక్టర్‌ డాక్టర్‌ పవన్‌ గోరుకంటి, టీసీఎస్‌ ప్రెసిడెంట్‌ రాజన్న జెండా ఊపి ప్రారంభించారు. టీసీఎస్‌ ఉద్యోగులు తమ కుటుంబసభ్యులతో కలిసి ఉత్సాహంగా పరుగులో పాల్గొన్నారు. యశోద హాస్పిటల్స్‌ నుంచి ప్రారంభమైన పరుగు ఐకియా చౌరస్తా మీదుగా తిరిగి యశోద హాస్పిటల్‌ వరకు సాగింది. డాక్టర్‌ పవన్‌ మాట్లాడుతూ..అనారోగ్యకరమైన జీనవశైలీని దూరం చేయడమే ఈ పరుగు లక్ష్యమన్నారు. వ్యాయామం దినచర్యలో భాగం కావాలని చెప్పారు.