గుజరాతీ.. సందడి మస్తీ

అయిదు నెలలుగా రాష్ట్రంలో అట్టహాసంగా సాగిన గుజరాతీ ఏక్తా మహోత్సవ్‌ ఘనంగా ముగిసింది. శంషాబాద్‌ మున్సిపల్‌ పరిధి సాతంరాయిలోని ఓ ఫంక్షన్‌ హాల్‌లో సోమవారం రాత్రి నిర్వహించిన మిస్‌ గుజరాతీ, తెలంగాణ-2024 పోటీలు అలరించాయి. తెలంగాణ, గుజరాతీ సమాజ్‌ ఆధ్వర్యంలో నిర్వహించిన క్రీడలు, సాంస్కృతిక, నృత్యాలు, ఫ్యాషన్‌ పోటీల్లో ప్రతిభ కనబర్చిన యువతకు ఈ సందర్భంగా పురస్కారాలు ప్రదానం చేశారు. అనంతరం తెలంగాణ, గుజరాతీ సమాజ్‌ రాష్ట్ర అధ్యక్షుడు ప్రేమల్‌ ఫరేఖ్‌ మాట్లాడుతూ.. గుజరాతీ సంస్కృతి, సంప్రదాయాలను దేశంలోని అన్ని రాష్ట్రాలకు పరిచయం చేయడమే తమ లక్ష్యమన్నారు. డిసెంబరులో ప్రారంభించిన గుజరాత్‌ ఏక్తా మహోత్సవ్‌లో 6 వేల మంది యువతీయువకులు పాల్గొన్నారని తెలిపారు.

న్యూస్‌టుడే, శంషాబాద్‌