కానిస్టేబుల్‌ను సత్కరించిన డీజీపీ

దమ్మపేట, న్యూస్‌టుడే: దమ్మపేట పోలీస్‌స్టేషన్‌లో విధులు నిర్వహిస్తున్న కానిస్టేబుల్‌ నాగముత్యాన్ని డీజీపీ రవిగుప్తా శనివారం సత్కరించారు. ఈ ఏడాది మేడారం మహాజాతరలో విధులు నిర్వహించిన సమయంలో నాగముత్యం గుండెపోటుకు గురైన ముగ్గురు వ్యక్తులకు సీపీఆర్‌ నిర్వహించి కాపాడారు. విధి నిర్వహణలో సమయస్ఫూర్తిని ప్రదర్శించి ప్రాణదాతగా నిలిచారు. డీజీపీ రవిగుప్తా హైదరాబాద్‌లోని తన కార్యాలయంలో నాగముత్యానికి శాలువా కప్పి సత్కరించారు. ప్రసంశాపత్రాన్ని అందజేశారు. నాగముత్యాన్ని పోలీస్‌సిబ్బంది ఆదర్శంగా తీసుకోవాలన్నారు. అదనపు డీజీపీ ఎం.ఎం.భగత్‌ ఉన్నారు.