ఈసారీ అధిక మెజార్టీ ఇవ్వండి: నామా

ఎంవీపాలెంలో మాట్లాడుతున్న ఎమ్మెల్సీ తాతా మధు, పక్కన ఎంపీ నామా, మాజీ ఎమ్మెల్యే కందాళ
ఖమ్మం గ్రామీణం: గత లోక్‌సభ ఎన్నికల్లో పాలేరు నియోజకవర్గ ప్రజలు తనను ఆదరించారని, ఈసారి మరింత ఎక్కువ మెజార్టీ ఇవ్వాలని భారాస అభ్యర్థి నామా నాగేశ్వరరావు కోరారు. ఎంవీపాలెం, పెద్దతండాలో బుధవారం ప్రచారం నిర్వహించారు. తాను నిత్యం ప్రజలకు అందుబాటులో ఉంటానన్నారు. ఈసారి ఎన్నికల్లో గెలిపిస్తే జిల్లా సమగ్రాభివృద్ధికి కృషి చేస్తానని వివరించారు. మాజీ ఎమ్మెల్యే కందాళ ఉపేందర్‌రెడ్డి మాట్లాడుతూ నామాకు అండగా నిలవాలని కోరారు. ఎమ్మెల్సీ తాతా మధు మాట్లాడుతూ  తెలంగాణవాదాన్ని పార్లమెంట్‌లో వినిపించేది భారాస మాత్రమేనన్నారు. బెల్లం వేణు, బెల్లం ఉమ తదితరులు పాల్గొన్నారు.