రాష్ట్రంలో కూటమి అభ్యర్థులదే విజయం

మాట్లాడుతున్న సోమిశెట్టి వెంకటేశ్వర్లు

చిప్పగిరి, న్యూస్‌టుడే : ఏపీలో తెదేపా కూటమి అధికారంలోకి రావడం ఖాయమని ఆ పార్టీ రాష్ట్ర ఉపాధ్యక్షుడు సోమిశెట్టి వెంకటేశ్వర్లు అన్నారు. చిప్పగిరిలో మండల తెదేపా నాయకులతో శనివారం నిర్వహించిన సమావేశంలో ఆయన మాట్లాడారు. జగన్‌ పాలనతో ప్రజలు విసిగెత్తిపోయారని.. చంద్రబాబును ముఖ్యమంత్రిగా ఎన్నుకునేందుకు జనం ఎదురు చూస్తున్నారన్నారు. 150 సీట్లకు పైగా ఎమ్మెల్యే, 22 ఎంపీ అభ్యర్థులను గెలిచి తెదేపా విజయ ఢాంకా మోగిస్తుందన్నారు. ఆలూరు నియోజకవర్గంలో వీరభద్రగౌడ్‌ను గెలిపించాలని ఆయన తెదేపా నాయకులు, కార్యకర్తలను కోరారు. కార్యక్రమంలో జడ్పీటీసీ  మాజీ సభ్యుడు ఏరూరు మీనాక్షినాయుడు, కోనంకి మహేశ్‌, యల్లంకి రజనీ, నాగరాజు, బెల్డోణ వెంకటేశ్‌, భీమలింగప్ప, తిమ్మయ్య, పులికొండ, తదితరులు పాల్గొన్నారు.