చెత్తపై పన్ను వేసిన చెత్తప్రభుత్వమిది : తెదేపా అభ్యర్థి

ఎమ్మిగనూరు వ్యవసాయం :  చెత్తపై కూడా  పన్ను వేసిన చెత్త ప్రభుత్వమిదేనని  కూటమి అభ్యర్థి బీవీ జయనాగేశ్వరరెడ్డి అన్నారు. ఆదివారం పట్టణంలోని 23వార్డులో ఇంటింటికి ఎన్నికల ప్రచారం నిర్వహించారు. ఈ సందర్భంగా కాలనీవాసులతో ఏర్పాటు చేసిన సమావేశంలో ఆయన  మాట్లాడారు. వైకాపా ప్రభుత్వం నిత్యావసర ధరలను పెంచి ప్రజలపై పన్ను భారం మోపిందన్నారు. గత ఎన్నికల్లో సీఎం జగన్‌ చెప్పిన మాటలు నమ్మి ప్రజలు మోసపోయారని,  ఈసారి అలాంటి పొరపాటు జరగకుండా అప్రమత్తంగా ఓటు వేయాలని సూచించారు. సూపర్ సిక్స్ పథకాలను వివరించారు. ప్రచారంలో కొండయ్య చౌదరి, సుందరరాజు, రామదాసు గౌడ్ పాల్గొన్నారు.