ggg: వైకాపా నాయకులకు నిరసన సెగ

పత్తికొండ రూరల్‌: పత్తికొండ పట్టణంలో ఎన్నికల ప్రచారానికి వచ్చిన వైకాపా నాయకులకు ముస్లిం మహిళల నుంచి తీవ్ర ప్రతిఘటన ఎదురైంది. పట్టణంలోని చెరువు కట్ట సమీపంలోని ముస్లిం కాలనీలో గత కొన్నేళ్లుగా సీసీ రహదారులు లేక డ్రైనేజీ కాలువలు పొంగి మురుగునీరు రోడ్లపైకి వచ్చి చేరుతుందని పలుమార్లు అధికార పార్టీ నాయకులకు ఎమ్మెల్యే కంగాటి శ్రీదేవి దృష్టికి తీసుకెళ్లిన గత ఐదేళ్లుగా పట్టించుకోలేదని వారు ఆరోపించారు. మా కాలనీలో రోడ్డు వేసే వరకు ఓటు వేసేది లేదని వారు తేల్చి చెప్పారు. దీంతో అసహనానికి గురైన వైకాపా నాయకులు నాగరత్నమ్మ సోమశేఖర్ శ్రీరంగడు తదితరులు ఓటు అడిగేందుకు వచ్చినప్పుడే రోడ్డు గుర్తొస్తుందా ఓటుకు రోడ్డుకు ఏం సంబంధం అని మహిళలను ఎదురు ప్రశ్నించారు. అయినా వారు వెనక్కి తగ్గక ఓటు వేసేది లేదు అని తేల్చి చెప్పడంతో వైకాపా నాయకులు అక్కడ నుంచి వెనుదిరిగారు.