3 ఎమ్మెల్యేలు.. 6కి.మీ..18ఏళ్లు

ఈ అంకెలు ఏంటీ అనుకుంటున్నారా..? సి.బెళగల్‌ మండలం కొండాపురం- ఇనగండ్ల మధ్య 6 కి.మీ. మట్టి రోడ్డును బీటీగా మారుస్తామని గత 18 ఏళ్లలో ముగ్గురు ఎమ్మెల్యేలు హామీ ఇచ్చారు. ఒక్కరూ తట్టెడు తారు పోయలేదు. బీటీ రహదారిగా మార్చి గుండ్రేవుల దారికి అనుసంధానిస్తామని ఎమ్మెల్యే మురళీకృష్ణ (2006-2011), మణిగాంధీ(2014-19), డా.సుధాకర్‌ (2019-24)లు హామీ ఇచ్చారు. ఒక్కరి హామీ నెరవేరలేదు. మండల కేంద్రానికి దగ్గరి దారి కావడంతో కొండాపురం, పల్దొడ్డి, ముడుమాల గ్రామాల మధ్య నిత్యం 500 వాహనాలు, 1,200 మందికిపైగా ప్రయాణికులు రాకపోకలు సాగిస్తుంటారు. వర్షాకాలంలో మట్టి దారి అధ్వానంగా మారుతుండటంతో 15 కి.మీ. దూరం పోలకల్లు మీదుగా మండల కేంద్రానికి వెళ్తారు.

న్యూస్‌టుడే, సి.బెళగల్‌ గ్రామీణం, సి.బెళగల్‌