స్వచ్ఛందంగా తెదేపాలోకి చేరికలు: బీసీ

బనగానపల్లి, న్యూస్‌టుడే: ప్రజలు అభివృద్ధిని కోరి స్వచ్ఛందంగా తెదేపాలోకి వస్తున్నారని తెదేపా అభ్యర్థి బీసీ జనార్దన్‌రెడ్డి పేర్కొన్నారు. గురువారం సంజామల మండలం కానాలకు చెందిన 60 కుటుంబాలు, ఆకుమళ్లకు చెందిన మైనార్టీ నాయకులు పార్టీలో చేరారు. వారికి బీసీ కండువాలు కప్పి పార్టీలోకి ఆహ్వానించారు. బనగానపల్లి మండలం జంబులదిన్నెకు చెందిన 10 కుటుంబాలు, చెరువుపల్లెకు చెందిన 10 కుటుంబాలు, బీరవోలుకు చెందిన 45 కుటుంబాలు వైకాపాను వీడి తెదేపాలో చేరాయి. వారికి బీసీ ఇందిరమ్మ కండువాలు కప్పి పార్టీలోకి ఆహ్వానించారు. సూపర్‌ సిక్స్‌ పథకాల గురించి ప్రజలకు వివరించే బాధ్యత తీసుకోవాలని వారు తెలిపారు.