ఎన్నికల సంఘం వాట్సాప్‌ ఛానల్‌...

సాంకేతికతలో వస్తున్న మార్పులను అందిపుచ్చుకుంటోంది ఎన్నికల సంఘం. ఐదేళ్లకోసారి జరిగే ప్రతి ఎన్నికల్లో ఏదో ఒక మార్పు కనిపిస్తోంది. సామాజిక మాధ్యమాల్లో ప్రచారం హోరెత్తుతోంది. ప్రస్తుత లోక్‌సభ ఎన్నికల నేపథ్యంలో యంత్రాంగం సాంకేతికతను సద్వినియోగం చేసుకుంటోంది. ప్రజలు ఎక్కువగా వినియోగించే వాట్సాప్‌ను ఉపయోగించుకోవాలని ఈసీ నిర్ణయించింది. 2023 అసెంబ్లీ ఎన్నికల్లోనే ఎలక్షన్‌ కమిషన్‌ పేరిట వాట్సాప్‌ ఛానల్‌ను అందుబాటులోకి తీసుకొచ్చారు. దీనిద్వారా వివిధ రకాల సమాచారాలను ఓటర్లకు చేరవేస్తున్నారు. ఓటరు చైతన్య కార్యక్రమాలు, అవగాహన కల్పించే చిత్రాలు, వీడియోలు, వివిధ యాప్‌ల వివరాలను అందులో పొందుపర్చారు. సీ-విజిల్‌, సువిధ, సాక్ష్యం, కేవైసీ, తదితర యాప్‌లు, ఎన్నికలకు సంబంధించి సమగ్ర వివరాలను సులభంగా తెలుసుకోవచ్చు.

న్యూస్‌టుడే, పాపన్నపేట