పార్టీ గుర్తుల చరిత్ర ఇదే

రాజకీయ పార్టీలనగానే గుర్తొచ్చేది వాటి గుర్తులే. ప్రధానంగా ఎన్నికల సమయంలో పార్టీ అభ్యర్థుల కంటే గుర్తులకే ప్రాధాన్యం ఉంటుంది. దేశంలో తొలి ఎన్నికల నుంచే పార్టీ గుర్తులను ప్రవేశపెట్టారు. అప్పట్లో ఓటర్లలో అక్షరాస్యులు కేవలం 16 శాతం మాత్రమే ఉండడంతో అభ్యర్థుల పేర్లు చదవడం కష్టమని భావించిన నాటి అధికారులు అందరూ గుర్తు పట్టేలా చిహ్నాలను ప్రవేశపెట్టారు. ఈ గుర్తులను గీయడానికి ఎన్నికల సంఘం ఎంఎస్‌ సేథీ అనే చిత్రకారుడిని నియమించింది. 1951 నుంచి 1992 వరకు ఆయన ఎన్నో వేల చిత్రాలను పెన్సిల్‌తో గీశారు. కొన్ని సాంకేతిక మార్పులతో ఇప్పటికీ ఇవే గుర్తులను ఎన్నికల కోసం వాడుతున్నారు.

న్యూస్‌టుడే, మిర్యాలగూడ పట్టణం