రాజ్యాంగాన్ని కాపాడుకుందాం

కామారెడ్డి పట్టణం: భారత రాజ్యాంగాన్ని కాపాడుకుందామని డీబీఎఫ్ జాతీయ కార్యదర్శి పి. శంకర్ అన్నారు. జిల్లా కేంద్రంలో మంగళవారం దళిత బహజన ఫ్రంట్ ఆధ్వర్యంలో రాజ్యాంగ పరిరక్షణ ప్రచారోద్యమ సదస్సు జరిగింది. ఈ సందర్భంగా ఆయన మాట్లాడారు. మహనీయులైన ఫులే, అంబేడ్కర్, జగ్జీవన్‌రామ్‌ జయంతి ఉత్సవాల సందర్భంగా కార్యక్రమం నిర్వహిస్తున్నామన్నారు. విద్య, ఉద్యోగాలు, సంపదను అణగారినవర్గాలకు రాజకీయ నేతలు దూరం చేశారన్నారు. కార్యక్రమంలో తెలంగాణ జనసమితి జిల్లా కన్వీనర్ కుంబాల లక్ష్మణ్, భారతీయ విద్యార్ధిమోర్చా రాష్ట్ర ప్రధానకార్యదర్శి విఠల్, ప్రతినిధులు లావణ్య, సంతోశ్, ప్రవీణ్ తదితరులున్నారు.