బైక్‌ర్యాలీతో ఎన్నికల ప్రచారం

నాగిరెడ్డిపేట: లోక్‌సభ ఎన్నికల ప్రచారంలో భాగంగా నాగిరెడ్డిపేట మండలంలోని 25 గ్రామాల్లో స్థానిక ఎమ్మెల్యే మదన్ మోహన్‌రావు ఆధ్వర్యంలో ఆదివారం బైక్ ర్యాలీ నిర్వహించారు. ఈ సందర్భంగా వారు కాంగ్రెస్ పార్టీ ప్రవేశపెట్టిన 6 గ్యారంటీ పథకాలు ప్రజలకు లబ్ధి చేకూర్చాయని, ఈ పార్లమెంటు ఎన్నికల్లో పార్టీ అభ్యర్థి సురేష్ షేత్కర్‌కు ఓటు వేసి భారీ మెజార్టీతో గెలిపించాలని కోరారు. కార్యక్రమంలో మండల కాంగ్రెస్ పార్టీ అధ్యక్షులు శ్రీధర్ గౌడ్, నాయకులు రామచంద్ర రెడ్డి, విట్టల్ రెడ్డి, షాహిద్ పా, సురేందర్ గౌడ్, తదితరులు పాల్గొన్నారు.