లారీని ఢీకొన్న బస్సు.. ఇద్దరు మృతి

భువనేశ్వర్‌: లారీని వెనక నుంచి బస్సు ఢీకొట్టిన ఘటన కటక్‌ నగరానికి చేరువగా 57వ నెంబరు రహదారి హరడాజల్‌ జంక్షన్‌ వద్ద చోటుచేసుకుంది. పోలీసులు తెలిపిన వివరాల  ప్రకారం.. 40 మంది ప్రయాణికులతో జయపురం నుంచి కటక్‌వైపు ఓ బస్సు వెళ్తోంది. అతివేగంగా వెళ్తూ  హరడాజల్‌ జంక్షన్‌ వెనక లారీని వెనక నుంచి ఢీ కొట్టింది. ఈ ఘటనలో బస్సు డ్రైవర్‌, హెల్పర్‌ అక్కడిక్కడే మృతి చెందారు. బస్సులోని ప్రయాణికులు స్వల్ప గాయాలతో బయటపడ్డారు. ఘటనా స్థలానికి చేరుకున్న పోలీసులు మృతదేహాలను పోస్టు మార్టంకు తరలించి కేసు నమోదు చేసుకుని దర్యాప్తు చేస్తున్నారు.