ఎన్నికల నియమావళి ఉల్లంఘన.. ఇద్దరు ఉపాధ్యాయులు సస్పెండ్‌

నవరంగపూర్‌: నవరంగపూర్‌ జిల్లాలో రాజకీయ పార్టీల ఎన్నికల సమావేశాలకు హాజరైనందుకు ఇద్దరు ఉపాధ్యాయులను సస్పెండ్‌ చేశారు. ప్రభుత్వ ఉద్యోగులుగా విధులు నిర్వర్తిస్తూ.. ఎన్నికల నియమావళిని ఉల్లంఘింంచినందుకు జిల్లా ఎన్నికల కమీషనర్, కలెక్టర్ డా. కమల్‌లోచన్‌ మిశ్రా వారిని సోమవారం ఉద్యోగాల నుంచి సస్పెండ్‌ చేస్తున్నట్లు ప్రకటించారు. సస్పెండ్ అయిన ఉపాధ్యాయులు పపదహండి సమితి, పితారిగూడ ప్రభుత్వ ప్రాథమిక పాఠశాల ప్రధానోపాధ్యాయుడు గౌతమ్ చరణ్ సాహూ, డాబుగావ్ సమితి పూజారిగూడ ఉన్నత పాఠశాల ప్రధానోపాధ్యాయుడు మనోజ్ కుమర్ పాత్ర్‌గా గుర్తించారు. ఇద్దరు ఉపాధ్యాయులు రాజకీయ పార్టీలకు మద్దతిస్తూ, ప్రచార కార్యక్రమంలో పాల్గొనటం వల్ల చర్యలు తీసుకున్నట్టు పాలనాధికారి మిశ్రా తెలిపారు.