5, 6, 7వ తేదీల్లో పోస్టల్‌ బ్యాలెట్‌

సూచనలు చేస్తున్న ప్రమోద్‌కుమార్‌ మెహర్ద, చిత్రంలో కలెక్టర్‌

పార్వతీపురం, న్యూస్‌టుడే: సాధారణ ఎన్నికల నిర్వహణలో భాగంగా పోలింగ్‌ సిబ్బందికి విధుల కేటాయింపు రెండో విడత ప్రక్రియ ఆదివారం పూర్తి చేశారు. జిల్లా ఎన్నికల అధికారి నిశాంత్‌కుమార్‌ ఆధ్వర్యంలో జరిగిన కార్యక్రమాన్ని అరకు పార్లమెంటరీ నియోజకవర్గ సాధారణ పరిశీలకుడు ప్రమోద్‌కుమార్‌ మెహర్ద పరిశీలించారు. పోలింగ్‌ విధుల్లో పాల్గొనే సిబ్బంది పోస్టల్‌ బ్యాలెట్‌ వినియోగించాలని కలెక్టర్‌ సూచించారు. పోలింగ్‌, సహాయ పోలింగ్‌ అధికారులు, ఎన్నికల విధుల్లో ఉన్న ఇతర సిబ్బంది మే 5న, పోలీసులు మే 6న, ఇతర శాఖల సిబ్బంది మే 7న పోస్టల్‌ బ్యాలెట్‌ను సద్వినియోగం చేసుకోవాలని సూచించారు. ఆయా తేదీల్లో వీలు లేకపోతే మూడు రోజుల్లో ఏదో ఒకరోజు వినియోగించుకోవాలన్నారు.