అంతా ఓకేనా.. ఓ సెల్ఫీ తీసుకుందాం

న్యూస్‌టుడే, సాలూరు గ్రామీణం: సాలూరు మండలం కురుకుట్టి, సారిక పంచాయతీల్లో బుధవారం ప్రచారం చేసిన  కూటమి ఎమ్మెల్యే అభ్యర్థిని గుమ్మిడి సంధ్యారాణితో పలువురు యువతులు స్వీయ చిత్రాలు తీసుకొని సందడి చేశారు.  

చిట్టితల్లి బాధ్యత.. మాది

న్యూస్‌టుడే, గుమ్మలక్ష్మీపురం: గుమ్మలక్ష్మీపురం మండలం ఇరిడి, కొత్తగూడ, గాజులగూడలో బుధవారం కురుపాం నియోజకవర్గ కూటమి అభ్యర్థిని జగదీశ్వరి ప్రచారం చేశారు. ఈ సందర్భంగా ఓ చిన్నారిని ఎత్తుకుని కుటుంబ సభ్యులను ఓట్లు అడిగారు.

తాటిముంజు.. నా ఓటు మీకే

న్యూస్‌టుడే, బొబ్బిలి: బొబ్బిలి పట్టణంలోని 17వ వార్డులో కూటమి అభ్యర్థి బేబినాయనకు స్థానికులు మేళతాళాలతో స్వాగతం పలికారు. ఓ కార్మికుడి దగ్గర తాటిముంజు తీసుకుని.. ఓటు వేయమని ఆయన అభ్యర్థించారు.

‘గాజు గ్లాసు’ గుర్తుంచుకోండి

న్యూస్‌టుడే, పాలకొండ గ్రామీణం: పాలకొండలో కూటమి అభ్యర్థి నిమ్మక జయకృష్ణను గెలిపించాలని తెదేపా నాయకులు ఇంటింటి  ప్రచారం చేశారు. ఓటర్లను కలసి ‘గాజు గ్లాసు’ గుర్తును చూపించి ఓటేయాలని కోరారు.

వేయ్‌.. విజయ‘దరువు’

న్యూస్‌టుడే, బలిజిపేట: బలిజిపేట మండలంలోని గేదెలపేట, శ్రీరంగరాజపురం, నారన్నాయుడువలస, గంగాడ గ్రామాల్లో కూటమి అభ్యర్థి బి.విజయచంద్ర డ[ప్పు కొడుతూ ఓటర్లను ఆకట్టుకున్నారు.  

నాకే తెలుసు.. మీ కష్టాలు

న్యూస్‌టుడే, విజయనగరం అర్బన్‌: విజయనగరం నియోజకవర్గ ఎమ్మెల్యే అభ్యర్థిని పూసపాటి అదితి గజపతిరాజు బుధవారం దాసన్నపేటలోని కుమ్మరివీధిలో పర్యటిస్తూ కుండలు, మట్టి సామగ్రి తయారీ విధానాన్ని పరిశీలించారు. అధికారంలోకి వచ్చాక సమస్యలు పరిష్కరిస్తానని భరోసానిచ్చారు.