పింఛను దారుల అవస్థలు

బలిజిపేట: బలిజిపేట యూనియన్, స్టేట్‌బ్యాంకు, విశాఖ గ్రామీణ బ్యాంకుశాఖలు గురువారం సామాజిక పింఛనుదారులతో కిటకిటలాడాయి. పింఛనుదారులంతా ఎన్నికల కమిషన్‌ ఆదేశాల మేరకు మే, జూన్‌ నెలల్లో వారి బ్యాంకు ఖాతాల ద్వారా నగదును పొందాల్సి ఉంది. వాస్తవానికి గ్రామాల్లో బ్యాంకు ఖాతాలున్న పింఛనుదారులు రెండు, మూడు నెలల్లో ఒక్కసారి కూడా బ్యాంకునకు వెళ్లి ఉండరు. దీంతో వారి ఖాతాలు ఇన్‌ ఏక్టిట్‌లో ఉండిపోయాయి. వీటిని సవరించుకునేందుకు ఒక్కసారిగా వివిధ గ్రామాల పింఛనుదారులు బ్యాంకు శాఖలను చుట్టిముట్టడంతో బ్యాంకు కిటకిటలాడింది. సరైన సదుపాయాలు లేక వారు అవస్థలు పడుతున్నారు.