తెదేపా అధినేత పర్యటన వాయిదా

ఒంగోలు గ్రామీణం, న్యూస్‌టుడే: సార్వత్రిక ఎన్నికల ప్రచారంలో భాగంగా తెదేపా అధినేత, మాజీ ముఖ్యమంత్రి నారా చంద్రబాబు నాయుడు మే 3, 4 తేదీల్లో జిల్లాలో పర్యటించనున్నారు. 3న మార్కాపురం, 4న దర్శిలో నిర్వహించనున్న బహిరంగ సభల్లో ఆయన పాల్గొని ప్రజలనుద్దేశించి ప్రసంగిస్తారు. తొలుత ఈ నెల 30న యర్రగొండపాలెం బహిరంగ సభలో ఆయన పాల్గొనేలా షెడ్యూల్‌ ఖరారైంది. అదే రోజున తెదేపా జాతీయ ప్రధాన కార్యదర్శి నారా లోకేశ్‌ ఒంగోలులో, హిందూపురం తెదేపా ఎమ్మెల్యే, సినీ కథానాయకుడు బాలకృష్ణ మర్రిపూడిలో నిర్వహించనున్న ఎన్నికల ప్రచారంలో పాల్గొననున్నారు. ఈ నేపథ్యంలో చంద్రబాబు యర్రగొండపాలెం పర్యటన రద్దు అయినట్లు సమాచారం.