యూపీఎస్సీ ఫలితాల్లో టీ మాస్టర్‌ కుమారుడి సత్తా

టీ కాస్తున్న వేల్‌మురుగన్‌, కుమారుడు పేచ్చి

ఆర్కేనగర్‌, న్యూస్‌టుడే: నెల్లై జిల్లా కల్లిడైకురిచ్చికి చెందిన వేల్‌మురుగన్‌ టీ దుకాణం నడుపుతున్నాడు. ఇతని కుమారుడు పేచ్చి ఇటీవల విడుదలైన యూపీఎస్సీ పరీక్షల ఫలితాల్లో 567వ స్థానంలో నిలిచి ప్రతిభ కనబర్చాడు. ఇతను 1 నుంచి 12వ తరగతి వరకు ప్రైవేట్‌ పాఠశాలలో, ఆ తర్వాత అన్నా యూనివర్సిటీలో కెమికల్‌ ఇంజినీరింగ్‌ చేశాడు. 4 సార్లు యూపీఎస్సీ పరీక్షలు రాసినా ఉత్తీర్ణత సాధించలేదు. టీఎన్‌పీఎస్సీ గ్రూప్‌-4 పరీక్షల్లో ఉత్తీర్ణత సాధించి నెల్లై జిల్ల్లా విద్యాశాఖ కార్యాలయంలో ఉద్యోగం చేస్తున్నాడు. ఈ నేపథ్యంలో ఉద్యోగం చేస్తూ ఖాళీ సమయాల్లో యూపీఎస్సీ పరీక్షలకు సిద్ధమవసాగాడు. ఇతని తల్లి లక్ష్మి బీడీ కార్మికురాలు. సోదరి చెన్నైలోని ఓ ప్రైవేట్‌ కంపెనీలో పనిచేస్తోంది. టీ దుకాణం నడుపుతున్న తండ్రి వేల్‌మురుగన్‌ తన కుమారుడి కలను నెరవేర్చాడానికి తన ఆస్తి, ఇంటిని విక్రయించాడు. ప్రస్తుతం పరీక్షల్లో కుమారుడు ఉత్తీర్ణత సాధించడంతో ఆనందంతో మురిసిపోతున్నారు.