సమస్యలు అనేకం... ప్రభుత్వానిదే పాపం

కాలనీల్లో వేధిస్తున్న గుంతల దారులు
న్యూస్‌టుడే, జమ్మలమడుగు

నారాపుర వేంకటేశ్వర ఆలయం ఎదురుగా ధ్వంసమైన కల్వర్టు

అడుగుకో గంత.. లీకేజీల కారణంగా జమ్మలమడుగు పట్టణంలోని మూడో వార్డు ప్రజలు తల్లడిల్లిపోతున్నారు. సిమెంటు రోడ్డు తవ్వి మరమ్మతులు చేసిన తర్వాత సరిగా పూడ్చక పోవడంతో వీధులు గుంతలుగా మారాయి. రోడ్డుకు మధ్యలో ఉన్న ఇనుప విద్యుత్తు స్తంభం ప్రమాదకరంగా మారిందని సాయిరామ్‌ థియేటర్‌ వెనకాల మహబూబ్‌నగర్‌ వీధి ప్రజలు భయందోళనచెందుతున్నారు. కాలువలున్నా పూడిక తీయడం లేదని మహిళలు ఆరోపిస్తున్నారు. ఎంపీడీవో కార్యాలయం రోడ్డు అస్తవ్యస్తంగా మారడంతో వాహనదారులు ఇబ్బంది పడుతున్నారు. నారాపుర వేంకటేశ్వర ఆలయం ఎదురుగా ఉన్న కల్వర్టు ధ్వంసమైనా  అధికారులు పట్టించుకోవడం లేదని పలువురు వాపోతున్నారు.

ఓటర్లు : 2,007
పురుషులు : 949
స్త్రీలు : 1,058
ప్రాంతాలు : తేరు రోడ్డు, సాయిరామ్‌ థియేటర్‌ వెనక వీధి, ఎంపీడీవో కార్యాలయం రోడ్డు, మహబూబ్‌నగర్‌ వీధి

ప్రమాదకరంగా విద్యుత్తు స్తంభం
- రఫీ, జమ్మలమడుగు

మహబూబ్‌నగర్‌ వీధిలో ఇనుప విద్యుత్తు స్తంభం ప్రమాదకరంగా మారింది. వానా కాలంలో అపాయకర పరిస్థితులు కనిపిస్తున్నాయి. విద్యుత్తు శాఖ అధికారులు స్పందించి ప్రత్యామ్నాయం చూపాలి. లీకేజీ కోసం తవ్విన గుంతలను పూడ్చితే మాకు ఇబ్బందులు తప్పుతాయి.