Andhra News: అల్లూరిపై ప్రత్యేక గీతాన్ని ఆవిష్కరించిన జస్టిస్‌ వెంకట శేషసాయి

విజయవాడ: అల్లూరి సీతారామరాజు 125వ జయంతి వేడుకలు, ఆజాదీ కా అమృత్‌ మహోత్సవ్‌ సందర్భంగా అల్లూరి 30 అడుగుల కాంస్య విగ్రహాన్ని ప్రధాని మోదీ ఈనెల 4న భీమవరంలో ఆవిష్కరించనున్నారు. ఈ సందర్భంగా ప్రధాన మంత్రికి స్వాగతం పలుకుతూ అల్లూరిపై ముకుంద శర్మ రాసిన గీతాన్ని గజల్‌ శ్రీనివాస్‌ సంగీత సారథ్యంలో స్వీయగానం చేసి రూపొందించారు. ఈ ప్రత్యేక గీతాన్ని జస్టిస్‌ ఆకుల వెంకటశేషసాయి విజయవాడలో ఆవిష్కరించారు. ఈ సందర్భంగా ఆయన మాట్లాడుతూ... అల్లూరి జీవిత చరిత్ర దేశభక్తి స్ఫూర్తికి పాఠ్యాంశం వంటిదన్నారు. ఆ చంద్రతారార్కం వారి త్యాగాన్ని ప్రపంచం గుర్తు పెట్టుకుంటుందని పేర్కొన్నారు.