Ab Venkateshwar Rao: ఒకే కారణంతో రెండుసార్లు సస్పెండ్‌ చేశారు.. క్యాట్‌లో ఏబీ వెంకటేశ్వరరావు కేసు విచారణ

అమరావతి: కేంద్ర పరిపాలనా ట్రైబ్యునల్‌లో ఏబీ వెంకటేశ్వరరావు కేసుపై విచారణ జరిగింది. తనను సస్పెండ్‌ చేయడాన్ని సవాల్‌ చేస్తూ ఆయన క్యాట్‌లో పిటిషన్‌  దాఖలు చేశారు. ఈ కేసులో ఇప్పటికే పిటిషనర్‌ తరఫు న్యాయవాది ఆదినారాయణ వాదనలు వినిపించారు. ఒకే కారణంతో ఏబీ వెంకటేశ్వరరావును రెండు సార్లు సస్పెండ్‌ చేశారని చెప్పారు. సుప్రీంకోర్టు తీర్పునకు విరుద్ధంగా ప్రభుత్వం చర్యలు తీసుకుందని వాదించారు. మరోవైపు ప్రభుత్వం తరఫున ఏజీ శ్రీరామ్‌ వాదిస్తూ.. అభియోపత్రం దాఖలు చేసి వాదనలు ముగిసే వరకు సస్పెండ్‌ చేసే అధికారం ప్రభుత్వానికి ఉందని చెప్పారు. ఇరుపక్షాల వాదనలు విన్న ట్రైబ్యునల్‌.. తీర్పును వాయిదా వేసింది.