నిత్యావసర సరకులకు వెళ్తున్నారా.. జాగ్రత్తలివే?

ఇంటర్నెట్‌ డెస్క్‌: ప్రపంచ వ్యాప్తంగా కరోనా వైరస్‌ విజృంభిస్తున్న వేళ ప్రజలు బయటకు వెళ్లాలంటేనే భయపడుతున్నారు. ఈ ప్రాణాంతక మహమ్మారి ఏ వైపు నుంచి ఏ రూపంలో కమ్ముకొస్తుందోనని జనం ఆందోళన చెందుతున్నారు. కరోనా కట్టడే ధ్యేయంగా భారత్‌లో కొనసాగుతున్న లాక్‌డౌన్‌-3 నేపథ్యంలో ప్రభుత్వాల విజ్ఞప్తుల మేరకు ప్రజలు ఇళ్లకే పరిమితమైపోయారు. అత్యవసరమైతే తప్ప బయటకు వెళ్లొద్దని ప్రభుత్వం పదేపదే చెబుతున్న నేపథ్యంలో నిత్యావసరాలు కొనుగోలు చేసేందుకు మాత్రం దుకాణాలు/ రైతు బజార్లు/ సూపర్‌ మార్కెట్లు/ మందుల దుకాణాల వద్ద బారులు తీరుతున్నారు. ఈ నేపథ్యంలో కరోనా బారినపడకుండా ఉండేందుకు కేంద్రం సూచిస్తున్న జాగ్రత్తలేంటో చూద్దామా..!