Viral video: ఈ పానీపూరీ ‘మోదీ’ చాలా నీట్‌ గురూ!

Viral video | ఇంటర్నెట్‌డెస్క్‌: మనిషిని పోలిన మనుషులు ఏడుగురు ఉంటారని విన్నాం. అలాంటి వారు మనకు అనుకోకుండా కంటపడితే ఎలా ఉంటుంది? ఆశ్చర్యంతో గంతులేస్తాం కదా. గుజరాత్‌లో ప్రధాని మోదీని పోలిన ఓ వ్యక్తి పానీపూరీ సెంటర్‌ నిర్వహిస్తూ అందరినీ ఆకట్టుకుంటున్నాడు. అతడిని చూసి నిజంగా మోదీయేనా అంటూ అక్కడికి వచ్చిన వారు అవాక్కవుతున్నారు.

అనిల్ భాయ్‌ ఠక్కర్‌ అనే వ్యక్తి గుజరాత్‌లోని ఆనంద్‌లో పానీపూరీ సెంటర్‌ నడుపుతున్నాడు. చూడటానికి అచ్చం మోదీలానే హెయిర్‌ స్టైల్‌, తెల్లని గడ్డంతో ఉన్నాడు. దీంతో స్థానికులు, అక్కడికి వచ్చిన వారంతా అతడితో సెల్ఫీలు దిగి సోషల్‌మీడియాలో పంచుకుంటున్నారు. వారంతా తనపై చాలా ప్రేమ, గౌరవం చూపిస్తూ ‘మోదీ’ అని పిలుస్తారని అతడు సంతోషంగా చెబుతున్నాడు.

నవాబులు, సుల్తాన్‌ల అరాచకాలపై మౌనమా?: రాహుల్‌పై మోదీ ధ్వజం

‘‘ఈ స్ట్రీట్‌ఫుడ్‌ విక్రేత అచ్చం మోదీని పోలి ఉన్నాడు. కేవలం రూపాన్ని మాత్రమే కాదు.. ప్రధాని విలువల నుంచి చాలా స్ఫూర్తి పొందాడు. పరిశుభ్రతకు మోదీ ఇస్తున్న ప్రాధాన్యతను అనుసరిస్తూ తన స్టాల్‌ను కూడా ఎంతో శుభ్రంగా ఉంచాడు’’ అంటూ ఓ ఫుడ్‌ వ్లాగర్‌ క్యాప్షన్‌ జోడించి ఇన్‌స్టాగ్రామ్‌ వేదికగా పంచుకున్నారు. దీంతో ఆ వీడియో కాస్తా నెట్టింట హల్‌చల్‌ చేస్తోంది. దీన్ని చూసిన నెటిజన్లు ఆశ్చర్యపోతూ కామెంట్లు చేస్తున్నారు.