Freedom Fighter: 49 ఏళ్ల మహిళతో 103 ఏళ్ల వృద్ధుడి వివాహం..

భోపాల్‌: మధ్యప్రదేశ్‌లో అరుదైన ఘటన చోటు చేసుకొంది. దేశ స్వాతంత్ర్యం కోసం పోరాడిన (Freedom Fighter) ఓ వ్యక్తి ఒంటరితనంతో జీవించలేక తన కంటే వయసులో 54 ఏళ్ల చిన్నదైన మహిళను వివాహం చేసుకున్నాడు. వీరికి సంబంధించిన ఫొటోలు, వీడియోలు వైరల్‌గా మారాయి.

భోపాల్‌ (Bhopal)కు చెందిన హబీబ్‌ నజర్‌ దేశ స్వాతంత్ర్యం కోసం పోరాడారు. ప్రస్తుతం ఆయన వయసు 103 ఏళ్లు. గతంలో ఆయనకు రెండు వివాహాలు జరిగాయి. ఇద్దరు భార్యలు కూడా మరణించారు. ఆ తర్వాత ఆయనను పట్టించుకునే వారు లేకుండా పోయారు. దీంతో ఒంటరితనంతో బాధపడుతున్న ఆయన మరో పెళ్లి చేసుకున్నారు. భర్తను కోల్పోయిన 49 ఏళ్ల ఫిరోజ్‌ జహన్‌ను వివాహమాడారు. గతేడాదే వీరి పెళ్లి జరిగినా.. వీరికి సంబంధించిన ఫొటోలు తాజాగా వైరల్‌గా మారాయి.

పాకిస్థానీ నావికుల్ని కాపాడిన భారత్‌

నజర్‌ మాట్లాడుతూ.. ‘‘జీవితంలో నాకు ఎలాంటి లోటు లేదు. రెండో భార్య మరణించిన అనంతరం ఒంటరితనంతో జీవించలేకపోయా. అందుకే ఫిరోజ్‌ సమ్మతితో ఆమెను మూడో వివాహం చేసుకున్నా’’ అని పేర్కొన్నారు. తాను ఓ వృద్ధుడిని పెళ్లి చేసుకోవడంలో ఎవరి బలవంతం లేదని.. ఆయన పూర్తి ఆరోగ్యంతో ఉన్నారని ఆమె తెలిపింది.