Fire Accident: హోటల్‌లో భారీ అగ్ని ప్రమాదం.. ఆరుగురి సజీవ దహనం

పట్నా: బిహార్‌ రాజధాని పట్నా (Patna)లోని ఓ హోటల్‌లో ఘోర అగ్ని ప్రమాదం జరిగింది. ఈ ప్రమాదంలో ఆరుగురు సజీవ దహనమయ్యారు. 30 మందికి పైగా తీవ్రంగా గాయపడ్డారు. పట్నా రైల్వేస్టేషన్‌ సమీపంలోని హోటల్‌లో గురువారం ఈ ప్రమాదం చోటుచేసుకొంది. అధికారులు తెలిపిన వివరాల ప్రకారం..

కొండచరియల బీభత్సం.. చైనా సరిహద్దుల్లోని జిల్లాకు దేశంతో సంబంధాలు కట్‌

ఉదయం 11 గంటల సమయంలో హోటల్‌లో పెద్దఎత్తున మంటలు చెలరేగాయి. గ్యాస్‌ సిలిండర్‌ పేలడమే అందుకు కారణమని తెలుస్తోంది. దట్టమైన పొగలు ఆ ప్రాంతమంతటా వ్యాపించాయి. ఈ ప్రమాదంలో ఆరుగురు సజీవ దహనమయ్యారు. 30 మందికి పైగా తీవ్రంగా గాయాలయ్యాయి. ఈ సమాచారం అందుకున్న అగ్నిమాపక సిబ్బంది ఘటనా స్థలానికి చేరుకున్నారు. మంటలను అదుపులోకి తెచ్చారు. క్షతగాత్రులను స్థానిక ఆస్పత్రులకు తరలించారు. మంటల్లో చిక్కుకుపోయిన కొందరిని రక్షించారు. ఈ ఘటనపై విచారణ జరుపుతున్నట్లు పోలీసులు తెలిపారు.