కౌన్సిలర్ల మధ్య కొట్లాట.. వచ్చేటప్పుడు సెక్యూరిటీ తెచ్చుకుంటే బెటరేమో..!

లఖ్‌నవూ: కొందరు ప్రజా ప్రతినిధులు హోదాను మరిచారు.. ప్రజా సమస్యలను విస్మరించారు.. వీధి రౌడీలను మరిపించారు. ఏకంగా మున్సిపల్‌ కౌన్సిల్‌లో బల్లలు ఎక్కి మరీ తన్నుకొన్నారు. ఉత్తర్‌ప్రదేశ్‌ (Uttar Pradesh)లోని షామ్లి(Shamli) పురపాలక సంఘం(UP Municipal Meet) సమావేశంలో చోటు చేసుకొంది.

ఈ దృశ్యాలను ఆ రాష్ట్ర మాజీ ముఖ్యమంత్రి, ఎస్పీ అధినేత అఖిలేశ్‌ యాదవ్‌(Akhilesh Yadav) సోషల్‌ మీడియాలో పోస్టు చేసి భాజపాపై విమర్శలు గుప్పించారు. ఈ ఘటన స్థానిక సంస్థల దుస్థితిని తెలియజేస్తోందన్నారు. ‘ఎలాంటి అభివృద్ధి లేనప్పుడు.. సమీక్షా సమావేశంలో ఇంకేం జరుగుతుంది. అందుకే షామ్లి కౌన్సిలర్ల ఘర్షణ చోటుచేసుకొంది. ప్రతి ఒక్కరూ సొంతంగా భద్రతను ఏర్పాటు చేసుకున్న తర్వాత సమీక్షా సమావేశాలకు వెళ్లాలి. ఇది భాజపా పాలనలో మనం నేర్చుకోవాల్సిన పాఠం’ అని అఖిలేశ్ మండిపడ్డారు.

‘తప్పుగా అనువదించి.. క్షమాపణలు చెప్పిన సీఎం..!’

షామ్లిలో రూ. నాలుగు కోట్ల విలువైన అభివృద్ధి పనుల గురించి చర్చించేందుకు కౌన్సిలర్లు ఈ సమావేశానికి వచ్చినట్లు మీడియా కథనాలు వెల్లడించాయి. అయితే, ఈ ఘర్షణ సమయంలో మున్సిపల్‌ ఛైర్మన్‌, స్థానిక ఎమ్మెల్యే అక్కడే ఉండటం గమనార్హం.