Viral video: గగనతలంలో ‘అమ్మ’కు సర్‌ప్రైజ్‌.. బుడతడి ఐడియా అదుర్స్‌

Viral video | ఇంటర్నెట్‌డెస్క్‌: తల్లి పుట్టినరోజున ప్రత్యేకమైన బహుమతి అందించాలనుకున్నాడు ఓ బుడతడు. అందుకోసం విమాన సిబ్బంది సాయం కోరాడు. ప్రయాణికుల అభిరుచులకు అనుగుణంగా నడుచుకునేందుకు విమానయాన సంస్థలు ప్రయత్నిస్తుంటాయి. ఈ క్రమంలో ఓ బాలుడు చేసిన విజ్ఞప్తికి స్పందించిన ఎయిరిండియా ఎక్స్‌ప్రెస్‌ సిబ్బంది.. అతడి తల్లి పుట్టినరోజు వేడుకను విమానంలోనే జరిపి ఆమెను ఆశ్చర్యపరిచింది.

విమానంలో అనౌన్స్‌మెంట్‌ ఇస్తున్న పైలెట్‌ వద్దకు వెళ్లాడు ఓ అబ్బాయి. ఈరోజు తన తల్లి పుట్టినరోజు అని, శుభాకాంక్షలు తెలుపుతూ విమానంలో స్పెషల్‌ అనౌన్స్‌మెంట్‌ చేయాలని కోరాడు. దీనికి సిబ్బంది అంగీకరించారు. ఆ తల్లి కోసం ప్రత్యేక అనౌన్స్‌మెంట్‌ చేశారు. అంతేకాదు విషెస్‌ తెలుపుతూ చేతితో రాసిన నోట్‌, ప్రత్యేక ట్రీట్‌ కూడా ఇచ్చారు. ప్రయాణికులందరి శుభాకాంక్షలతో ఆ తల్లి ముఖం చిరునవ్వుతో నిండిపోయింది. 

రూ. 120 కోట్లకు పైగా అక్రమార్జన.. ఎట్టకేలకు చిక్కిన స్క్రాప్‌ మాఫియా డాన్‌

ఎయిర్‌లైన్స్‌ సిబ్బందిలో ఒకరైన అఫ్జల్‌ఖాన్‌ ఈ వీడియోను ఇన్‌స్టాగ్రామ్‌ వేదికగా పంచుకున్నాడు. తల్లికి సర్‌ప్రైజ్‌ చేసేందుకు బాలుడు చేసిన ప్రయత్నంపై విమాన ప్రయాణికులతో పాటు సోషల్‌ మీడియాలోనూ ప్రశంసలు వస్తున్నాయి. ఇప్పటివరకు ఈ వీడియోను లక్ష మందికి పైగా వీక్షించారు. అబ్బాయి ఆలోచనను, సిబ్బంది సహకరించిన తీరును కొనియాడుతూ నెటిజన్లు కామెంట్లు పెడుతున్నారు.